ఒకప్పుడు పూజా హెగ్డేతో సినిమా అంటే దర్శకులు, నిర్మాతలు, కొంతమంది హీరోలు వెయిట్‌ చేసేవారు. ఎందుకంటే ఆమె అప్పుడు గోల్డెన్‌ లెగ్‌ కాబట్టి. ఫ్లాప్‌ సినిమాతో టాలీవుడ్‌లోకి ఎంట్రీ ఇచ్చిన పూజ… ఆ తర్వాత బాలీవుడ్ వెళ్లి తిరిగి వచ్చి స్టార్‌ హీరోయిన్‌ అయిపోయింది. వరుసగా విజయవంతమైన సినిమాలు చేసి వావ్‌ అనిపించింది. అయితే ఏమైందో ఏమో ఒక్కసారిగా ఫ్లాప్‌ సినిమాలు వరుస కట్టాయి. దీంతో ఇప్పుడు చాలా కామ్‌ అయిపోయింది.
అయితే పూజ ఇప్పుడు తిరిగి తన కెరీర్‌ను కొత్తగా రీస్టార్ట్ చేసే పనిలో ఉందట. తిరిగి పాత పూజను టాలీవుడ్ ప్రేక్షకులకు చూపించే ప్రయత్నం చేస్తోందట. అంటే గతంలో బాలీవుడ్‌లో దెబ్బ తిన్న తర్వాత తిరిగి టాలీవుడ్ వచ్చి ఎలా నిలదొక్కుకుందో ఇప్పుడు కూడా అదే చేస్తోందట. అయితే ఇప్పుడు కూడా బాలీవుడ్‌లో దెబ్బ తిన్నాక రావడం గమనార్హం. ఆ విషయం పక్కనపెడితే ఇప్పుడు ఆమె పేరు మూడు సినిమాల చర్చల్లో వినిపిస్తోంది అని టాక్‌.
నాని – తమిళ దర్శకుడు శిబి చక్రవర్తి దర్శకత్వంలో కొత్త చిత్రానికి సంతకం చేశాడు. త్వరలో ఈ సినిమా షూటింగ్‌ మొదలవుతుందట. ఈ సినిమాలో కథానాయికగా పూజా హెగ్డే పేరు వినిపిస్తోంది. ఈ మేరకు త్వరలో అనౌన్స్‌మెంట్‌ ఉంటుంది అని చెబుతున్నారు. ఈ సినిమాతో పాటు మరో రెండు సినిమాలను పూజ దాదాపు ఓకే చేసింది అని చెబుతున్నారు. అందులో ఒకటి దుల్కర్‌ సల్మాన్‌ సినిమా కాగా, మరొకటి సాయిధరమ్‌ తేజ్ సినిమా అని టాక్‌.
ఇక పూజ (Pooja Hegde) ఆఖరిగా టాలీవుడ్‌లో ‘ఆచార్య’లో కనిపించింది. ఆ తర్వాత ‘ఎఫ్‌ 3’లో ఓ పాటలో కనిపించింది. ఆ తర్వాత బాలీవుడ్‌లో రెండోసారి తన అదృష్టం పరీక్షించుకోవడానికి వెళ్లింది. ‘సర్కస్‌’, ‘కిసీ కా భాయ్‌ కిసీ కీ జాన్‌’ సినిమాలు చేసింది. అయితే ఆ రెండూ డిజాస్టర్లు అయ్యాయి. ఈ లోపు టాలీవుడ్‌లో ఓకే చేసిన ‘గుంటూరు కారం’, ‘ఉస్తాద్‌ భగత్‌ సింగ్‌’ ఛాన్స్‌లు పోయాయనే విషయం తెలిసిందే.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
