నటుడిగా, రచయితగా, దర్శకుడిగా పోసాని కృష్ణ మురళి ఇండస్ట్రీలో గుర్తింపును సంపాదించుకున్నారు. 100కు పైగా తెలుగు సినిమాలకు రైటర్ గా పని చేసి పోసాని సక్సెస్ ఫుల్ రైటర్ గా కెరీర్ ను కొనసాగించారు. రాజకీయాల్లో కూడా సక్సెస్ సాధించాలని పోసాని ప్రయత్నాలు చేసినా పాలిటిక్స్ లో పోసాని అనుకున్న స్థాయిలో సక్సెస్ సాధించలేకపోయారు. మోహన్ బాబు హీరోగా తెరకెక్కిన సన్నాఫ్ ఇండియా మూవీ ఈ నెల 18వ తేదీన థియేటర్లలో రిలీజ్ కానుంది.
ఈ సినిమాలో పోసాని కృష్ణ మురళి కూడా కీలక పాత్రలో నటించారు. ఈ సినిమా ప్రీ రిలీజ్ ఈవెంట్ లో పోసాని మాట్లాడుతూ సన్నాఫ్ ఇండియా మూవీలో తనకు మంచి రోల్ లో నటించే ఛాన్స్ దక్కిందని మోహన్ బాబు గురించి తెలియని వాళ్లు ఇండస్ట్రీలో లేరని అన్నారు. మోహన్ బాబు స్పష్టమైన మనస్సుతో ఉంటారని మంచు ఫ్యామిలీ మంచి ఫ్యామిలీ కాబట్టే విష్ణు ఎన్నికల్లో విజయం సాధించాడని పోసాని చెప్పుకొచ్చారు.
మనిషికి నవ్వొస్తే నవ్వాలని ఏడుపొస్తే ఏడవాలని ప్రజల ముందు నవ్వు రాకపోయినా నవ్వేవాళ్లు అసామాన్యులు అని పోసాని అన్నారు. పరుచూరి బ్రదర్స్ ను చూసి ఎలా బ్రతకకూడదో తాను నేర్చుకున్నానని పోసాని వెల్లడించారు. నేను ఎలా బ్రతకాలని అనుకున్నానో అలానే బ్రతుకుతున్నానని ఇలా బ్రతకకపోతే సగం జీవితం గడిచిన తర్వాత కుక్కచావు చస్తానని పోసాని చెప్పుకొచ్చారు.
ఇండస్ట్రీలో చావు కూడా ఖరీదుగా ఉండాలని డబ్బున్నోడి చావుకు 10,000 మంది వస్తే పేదవాడి చావుకు 10 మంది కూడా రారని పోసాని తెలిపారు. తనను ఇండస్ట్రీ బహిష్కరించినా మనవళ్లు, మనవరాళ్లకు సరిపడా తాను సంపాదించానని పోసాని చెప్పుకొచ్చారు. చెంచాగాళ్లలా చికెన్ ముక్కలను అందిస్తూ మందు పోసే బ్రతుకు తనకు వద్దని పోసాని వెల్లడించారు. పోసాని కృష్ణ మురళి చేసిన కామెంట్లు సోషల్ మీడియాలో వైరల్ అవుతున్నాయి.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
