భారీ బడ్జెట్ తో తెరకెక్కి భారీ అంచనాలతో విడుదలైన రాధేశ్యామ్ సినిమాకు ప్రేక్షకుల నుంచి యావరేజ్ టాక్ వచ్చింది. కొంతమంది ఈ సినిమా బాగుందని చెబుతుంటే మరి కొందరు మాత్రం ఈ సినిమా తమకు అస్సలు నచ్చలేదని చెబుతున్నారు. రాధేశ్యామ్ సినిమాతో ప్రభాస్ ఇండస్ట్రీ హిట్ సాధిస్తారని భావించిన అభిమానులకు నిరాశే ఎదురవుతోంది. అయితే రాధేశ్యామ్ కు నెగిటివ్ టాక్ రావడంతో అభిమాని ఆత్మహత్య చేసుకున్నారు. ఏపీలోని కర్నూలు జిల్లా తిలక్ నగర్ లో ఈ ఘటన చోటు చేసుకుంది.
24 సంవత్సరాల వయస్సు ఉన్న రవితేజ అనే యువకుడు రాధేశ్యామ్ సినిమా అంచనాలకు తగిన విధంగా లేదని మనస్తాపానికి గురయ్యాడు. ఉరి వేసుకుని రవితేజ ఆత్మహత్య చేసుకున్నాడు. సినిమా నచ్చకపోవడం వల్లే ఆత్మహత్య చేసుకుంటున్నానని యువకుడు తన తల్లితో చెప్పాడని సమాచారం అందుతోంది. రెండేళ్ల తర్వాత తన ఫేవరెట్ హీరో సినిమా విడుదల కాగా ఈ సినిమా అంచనాలకు అనుగుణంగా లేకపోవడం రవితేజను బాధించింది. పోలీసులు ఇప్పటికే ఈ ఘటన గురించి కేసు నమోదు చేసి దర్యాప్తు చేస్తున్నారు.
చిన్నచిన్న కారణాలకే ఆత్మహత్య చేసుకోవడం సరికాదని అభిప్రాయాలు వ్యక్తమవుతున్నాయి. పోలీసుల దర్యాప్తు తర్వాత రవితేజ మృతికి సంబంధించి మరిన్ని విషయాలు తెలిసే ఛాన్స్ అయితే ఉంది. మరోవైపు రాధేశ్యామ్ సినిమాకు యావరేజ్ టాక్ వచ్చినా ఈ సినిమా కలెక్షన్లు బాగానే ఉన్నాయి. ఈరోజు ఆదివారం కావడంతో తెలుగు రాష్ట్రాల్లోని మెజారిటీ థియేటర్లలో హౌస్ ఫుల్ బోర్డులు దర్శనమిస్తున్నాయి. రేపటినుంచి ఈ సినిమా సాధించే కలెక్షన్లను బట్టి ఈ సినిమా తుది ఫలితంపై ఒక అంచనాకు రావచ్చు.
రాధేశ్యామ్ ఆశించిన స్థాయిలో విజయాన్ని అందుకోకపోవడంతో రాధాకృష్ణ కుమార్ కు ఛాన్స్ ఇచ్చే హీరో ఎవరో చూడాల్సి ఉంది. యూవీ క్రియేషన్స్, గోపీకృష్ణ మూవీస్ ఈ సినిమాను నిర్మించగా ఫుల్ రన్ లో ఈ సినిమా నష్టాలను మిగిల్చే అవకాశాలు ఉన్నాయని కామెంట్లు వ్యక్తమవుతుండటం గమనార్హం.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
