సినిమా రిలీజ్‌ అవ్వడానికి మరో రెండు వారాలు ఉంది… ఇక థియేటర్లలో సినిమాను ఎంజాయ్‌ చేయడమే అనుకుంటుంగా… ‘మేం రావడం లేదు.. ఏమవనుకోవద్దు’ అంటూ ఓ నోట్‌ రిలీజ్‌ చేస్తే ఎంత బాధగా ఉంటుంది చెప్పండి. దానికి మీద సినిమా గురించి కొంత సమాచారం లీక్‌లు చేస్తే ఇంకా ఎంత చిరాకుగా ఉంటుందో చెప్పండి. ఇప్పుడు ఇదే పరిస్థితిలో ఉన్నారు ప్రభాస్‌ ఫ్యాన్స్. ‘సలార్‌’ సినిమా గురించే పైన చెప్పిందంతా అని మీకు ఇప్పుడు అర్థమైపోయుంటుంది.
‘సలార్‌’ (Salaar) సినిమాను ఈ నెల 29న విడుదల చేయాల్సింది అనే విషయం మీకు తెలిసిందే. అయితే ఈ సినిమా నెలాఖరుకు రావడం లేదని ముందే అర్థమైపోయినా… టీమ్‌ కాస్త ఆలస్యంగా చెప్పింది. ఎందుకు సినిమా ఆలస్యం అవుతోంది అనే విషయంలో చాలా రకాల లెక్కలు బయటకు వచ్చినా.. టీమ్‌ మాత్రం ఏవేవో క్వాలిటీ కారణాలు చెప్పింది. అయితే వాయిదా సంగతి ముందే తెలుసు కాబట్టి ఫ్యాన్స్ నుండి పెద్దగా రియాక్షన్‌ రాలేదు.
కానీ ఇప్పుడు చూస్తుంటే.. వస్తున్న లీక్‌లు వింటుంటే మాత్రం ఫ్యాన్స్‌కి చాలా చిరాకు వస్తోంది. ఈ మేరకు సోషల్‌ మీడియాలో కొన్ని కామెంట్స్ కనిపిస్తున్నాయి. దానికి కారణంగా సినిమా కొత్త రిలీజ్‌ డేట్‌ అనౌన్స్‌ చేయకుండా… సినిమా ఓటీటీ రైట్స్‌, థియేట్రికల్‌ రైట్స్‌, ఆడియో రైట్స్‌ అంటూ.. ఓ పెద్ద నెంబరును బయటకు తీసుకొచ్చారు. మా సినిమాకు రైట్స్‌ విషయంలో ఇంత భారీ స్పందన ఉంది అని చెప్పడం టీమ్‌ ఇన్‌డైరెక్ట్‌ ఆలోచన అనుకోవచ్చు.
అయితే అసలు విషయం చెప్పకుండా… ఈ బిజినెస్‌ లెక్కలు మాకెందుకు అంటూ ఫ్యాన్స్ కొంతమంది సోషల్‌ మీడియాలో కామెంట్స్ చేస్తున్నారు. ఆ లెక్కలు సంగతి తర్వాత… ముందు సినిమా రిలీజ్‌ సంగతి తేల్చండి. చాలా రోజుల క్రితం చెప్పిన డేట్‌ను ఎందుకు నిలుపుకోలేకపోయారు అని అడుగుతున్నారు. అయితే ఈ రైట్స్‌ విషయంలో లెక్కలు తేలకే సినిమా విడుదల ఆపేశారు అనేది ఓ వాదన. కొందరైతే విజువల్‌ ఎఫెక్స్ట్‌ నాణ్యతలో లోపం వల్ల అంటున్నారు.
బాలీవుడ్ లో అత్యధిక రెమ్యూనరేషన్ తీసుకునేది ఆ హీరోనేనా..!
‘బిగ్ బాస్ 7’ కంటెస్టెంట్ ప్రియాంక జైన్ గురించి 10 ఆసక్తికర విషయాలు..!
‘బిగ్ బాస్ 7’ కంటెస్టెంట్ దామిని భట్ల గురించి 10 ఆసక్తికర విషయాలు!
