కారణాలేమైనా ప్రభాస్ కొత్త మూవీ షూటింగ్ నత్తనడకలా సాగుతుంది. సాహో విడుదలకు ముందే దర్శకుడు రాధా కృష్ణ తో మూవీ మొదలుపెట్టినప్పటికీ, ప్రభాస్ సాహో ప్రొమోషన్స్ లో బిజీగా గడుపుతూ ఈ మూవీ షూటింగ్ పక్కన పెట్టాడు. సాహో విడుదలయ్యి ఇప్పటికి ఐదు నెలలు అవుతుంది. ఈ ఐదు నెలలో ప్రభాస్ అనేక కారణాలతో పూర్తి స్థాయిలో షూటింగ్ జరుపలేదు. ఎట్టకేలకు ఇటీవల ఈ చిత్ర లేటెస్ట్ షెడ్యూల్ మొదలైంది. దీనినే ఓ భారీ అప్డేట్ రీతిలో ఘనంగా ప్రభాస్ తన షూటింగ్ లొకేషన్ కి సంబంధించిన ఫొటో ఇంస్టాగ్రామ్ లో షేర్ చేశారు.
ఇక ఏడాది క్రితం మొదలుపెట్టిన ఈ చిత్ర షూటింగ్ కనీసం 30 శాతం కూడా పూర్తి కాలేదు. దీనితో పూజ హెగ్డే హీరోయిన్ గా చేస్తున్న ఈ పీరియాడిక్ లవ్ స్టోరీ వచ్చేది 2021లోనే అని, కొన్ని ఊహాగానాలు సైతం మొదలయ్యాయి. కాగా ప్రభాస్-రాజమౌళి గురించి ఓ క్రేజీ న్యూస్ ఇండస్ట్రీలో చక్కర్లు కొడుతుంది. వీరిద్దరూ నిర్మాణ భాగస్వాములు కానున్నారట. ఇద్దరూ కలిసి ఓ ప్రొడక్షన్ హౌస్ స్థాపించడంతో పాటు మొదటి చిత్రంగా తమ కాంబినేషన్ లో మూవీ చేయాలని ప్లాన్ చేస్తున్నారట. దీని గురించి ఇద్దరి మధ్య చర్చలు జరిగాయని, సదాభిప్రాయం కుదరడంతో ఒప్పందం కూడా కుదుర్చుకున్నారని ఓ ఇంగ్లీష్ డైలీ ప్రచురించింది. ఇక వీరి ప్రాజెక్ట్ 2021 ఆఖర్లో పట్టాలకే అవకాశం కలదని ఆ వార్త సారాంశం. ఒక వేళ ఇదే నిజం అయితే, ఈ మూవీ పాన్ ఇండియా లెవెల్ల్లో తెరకెక్కడం ఖాయం. మరో రెండు మూడేళ్లు ప్రభాస్ తెరపై కనిపించే ఆస్కారం ఉండదు. దీనితో ప్రభాస్ ఫ్యాన్స్ భయపడుతున్నారట.
Most Recommended Video
అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు
