బాహుబలి సినిమాతో ప్రభాస్ పేరు దేశమంతటా నగారాలా మోత మోగిపోయింది. దీంతో అతడిని సొమ్ము చేసుకోడానికి చాలామంది చాలా రకాలుగా ప్రయత్నాలు చేస్తున్నారు. కొందరు ప్రభాస్ గత సినిమాల అనువాద హక్కులు తీసుకోగా మరికొందరు అతడిని తమ సినిమాల్లో అతిథిగా మెరవాల్సిందిగా కోరుతున్నారు. అసలే ప్రభాస్ మొహమాటస్తుడు. రాజమౌళి ఖరాకండిగా వడ్ఢదంటే తప్ప ‘నో’ అని చెప్పలేడు.ఇప్పటికే ప్రభాస్ తన సన్నిహితుల సంస్థలో అనుష్క ప్రధాన పాత్రలో తెరకెక్కుతున్న ‘భాగ్ మతి’ సినిమాలో గెస్ట్ రోల్ చేస్తున్నాడని వీర లెవెల్లో ప్రచారం జరుగుతోంది.
తాజగా సూర్య నటిస్తున్న సింగం3 సినిమాలోనూ ఈ టాలీవుడ్ హీమాన్ దర్శనమివ్వనున్నాడని గుసగుసలు వినిపిస్తున్నాయి. ఈ ఇద్దరికీ మంచి అనుబంధమే ఉంది. బాహుబలి-ది బిగినింగ్ విడుదలకు ముందే సూర్య ‘రాక్షసుడు’ సినిమా ఆడియో విడుదలకు రమ్మని అడగటమే ఆలస్యంగా హాజరయ్యాడు ప్రభాస్. ఇప్పుడు కూడా అదే జరుగనుంది. బాహుబలి సినిమా చివరి దశలో ఉంది. నవంబర్ నాటికి ఈ చిత్రీకరణ పూర్తి కానుండగా డిసెంబర్ లో సింగం 3 తెరమీదికి రానుంది. అన్నట్టు ‘బాహుబలి’ తమిళ వెర్షన్ రూపేణా ప్రభాస్ కి సూర్య బంధువుల సంస్థ అయిన స్టూడియో గ్రీన్ తోనూ మంచి సంబంధాలే ఉన్నాయి. దాంతో ఈ వార్త ప్రాముఖ్యత సంతరించుకుంది.
