స్టార్ హీరో ప్రభాస్ (Prabhas) కల్కి 2898 ఏడీ (Kalki 2898 AD) రిలీజ్ డేట్ గురించి మరికొన్ని గంటల్లో అధికారికంగా క్లారిటీ రానుంది. ఈ సినిమాకు బిజినెస్ కూడా భారీ రేంజ్ లో జరుగుతోంది. కల్కి 2898 ఏడీ ఆంధ్ర హక్కులు ఏకంగా 100 కోట్ల రూపాయలకు అమ్ముడవుతున్నాయని సమాచారం అందుతోంది. ఆంధ్ర హక్కుల పరంగా ఇది రికార్డ్ అనే చెప్పాలి. కల్కితో కొత్త రికార్డులు క్రియేట్ చేస్తున్న ప్రభాస్ అంటూ ఫ్యాన్స్ కామెంట్స్ చేసుండగా ఆ కామెంట్స్ నెట్టింట తెగ వైరల్ అవుతున్నాయి.
కల్కి 2898 ఏడీ బాహుబలి2 (Baahubali2) రేంజ్ సినిమా అని ఈ సినిమాకు ఎక్కువ మొత్తం ఖర్చు అయినా కలెక్షన్లు కూడా భారీ రేంజ్ లో ఉండబోతున్నాయని అభిమానులు భావిస్తున్నారు. కల్కి సినిమా నుంచి ట్రైలర్ లేదా మరికొన్ని అప్ డేట్స్ వస్తే ఈ సినిమాపై ఆకాశమే హద్దుగా అంచనాలు పెరుగుతాయని చెప్పడంలో సందేహం అక్కర్లేదని చెప్పవచ్చు. కల్కి 2898 ఏడీ 2024 బిగ్గెస్ట్ హిట్ గా నిలవాలని ఫ్యాన్స్ ఫీలవుతున్నారు.
ఈ ఏడాది సెకండాఫ్ లో ఎక్కువ సంఖ్యలో సినిమాలు విడుదలవుతుండగా ఆ సినిమాలలో ప్రతి సినిమా బడ్జెట్ పరంగా, క్వాలిటీ పరంగా టాప్ లో ఉన్నాయి. ఈ సినిమాలు బాక్సాఫీస్ వద్ద ఏ రేంజ్ లో హిట్ గా నిలుస్తాయో చూడాల్సి ఉంది. కల్కి 2898 ఏడీ మూవీ ప్రభాస్ ఫ్యాన్స్ ను అంచనాలను మించి మెప్పిస్తుందని కామెంట్లు వ్యక్తమవుతున్నాయి. ఈ సినిమా తర్వాత దీపికా పదుకొనే (Deepika Padukone) తెలుగులో బిజీ అవుతారేమో చూడాల్సి ఉంది.
సరైన రిలీజ్ డేట్ ను ఫిక్స్ చేసుకుని రికార్డ్ స్థాయి స్క్రీన్లలో ఈ సినిమాను రిలీజ్ చేయనున్నారని సమాచారం అందుతోంది. వైజయంతీ మూవీస్ బ్యానర్ కు భారీ హిట్ అవసరం కాగా కల్కి సినిమాతో ఆ హిట్ దక్కుతుందో లేదో చూడాల్సి ఉంది. ఈ సినిమా డిజిటల్ రైట్స్ కు సంబంధించి పూర్తిస్థాయిలో క్లారిటీ రావాల్సి ఉంది. కల్కి 2898 ఏడీ సినిమాలో ట్విస్టులు సైతం వేరే లెవెల్ లో ఉంటాయని సమాచారం అందుతోంది.
