ప్రస్తుతం వరుస ప్రాజెక్టులతో దూసుకుపోతున్నాడు టాలీవుడ్ మ్యూజిక్ డైరెక్టర్ తమన్.వరుసగా పవన్ కళ్యాణ్,చిరంజీవి, మహేష్ బాబు,బాలకృష్ణ వంటి స్టార్ హీరోల సినిమాలకు అతను వర్క్ చేస్తున్నాడు. అంతేకాదు తమిళ,హిందీ పరిశ్రమల నుండీ కూడా తమన్ కు అవకాశాలు వస్తున్నాయి.ప్రస్తుతం తమన్ చేతిలో 10 ప్రాజెక్టులున్నాయి. అయితే తమన్ కు ఓ స్టార్ హీరోతో వర్క్ చేయాలని చాలా ఆసక్తిగా ఉందట.ఎప్పుడెప్పుడు ఆ హీరోతో చేసే అవకాశం వస్తుందా? అని ఎంతో ఉత్కంఠగా తమన్ ఎదురుచూస్తున్నట్లు తెలుస్తుంది.
ఆ స్టార్ హీరో మరెవరో కాదు మన ప్రభాస్. నిజానికి తమన్ కు.. రెండు సార్లు ప్రభాస్ సినిమాలకు సంగీతం అందించే అవకాశం వచ్చిందట. కానీ కొన్ని కారణాల వల్ల ఆ రెండు ప్రాజెక్టులకు తమన్ దూరమైనట్లు తెలుస్తుంది. వివరాల్లోకి వెళితే.. ప్రభాస్- లారెన్స్ కాంబినేషన్లో తెరకెక్కిన ‘రెబల్’ కి మొదట తమన్ సంగీత దర్శకుడిగా ఎంపికయ్యాడు. కానీ తర్వాత ఏమైందో ఏంటో తెలీదు.. ఆ ప్రాజెక్టు నుండీ తప్పుకుంటున్నట్లు తమన్ ప్రకటించాడు.
మళ్ళీ 6 ఏళ్ళకి ‘సాహో’ చిత్రానికి మ్యూజిక్ అందించే ఛాన్స్ తమన్ కు వచ్చింది. ఓ సందర్భంలో ‘సాహో’ కి ఇంటర్నేషనల్ స్టాండర్డ్స్ తగ్గ మ్యూజిక్ ఇస్తానని తమన్ చెప్పుకొచ్చాడు. కానీ కారణాలేంటో తెలీదు ఆ ప్రాజెక్ట్ నుండి కూడా తమన్ తప్పుకున్నాడు. అతని స్థానంలో శంకర్ ఎసాన్ లాయ్ వచ్చి చేరారు. నేపధ్య సంగీతం జిబ్రాన్ అందించారు. అయితే ‘సాహో’ మొదటి మేకింగ్ వీడియోకి తమన్ సంగీతం అందించి ప్రశంసలు అందుకున్నాడు. మరి ప్రభాస్ సినిమాకి ఫుల్ ఆల్బం చేసే అవకాశం తమన్ కు ఎప్పుడు వరిస్తుందో..!
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
