ఈనెల 7న దిల్ రాజు నిర్మాతగా శ్రీవెంకటేశ్వర క్రియేషన్స్ పతాకంపై తెరకెక్కిన జాను గ్రాండ్ గా విడుదల కానుంది. దీనితో చిత్ర నిర్మాత దిల్ రాజు నేడు పాత్రికేయుల సమావేశంలో పాల్గొన్నారు. జాను చిత్రం గురించి పలు ఆసక్తికర అంశాలు పంచుకున్న దిల్ రాజు జాను టైటిల్ వెనుక గల అసలు కథ చెప్పుకొచ్చారు. ఇలాంటి టైటిల్ నే ప్రభాస్ సినిమాకు అనుకుంటున్నారట కదా..? అని ఓ పాత్రికేయుడు దిల్ రాజుని అడుగగా అసలు విషయం బయటపెట్టారు. 96 మూవీ సున్నితమైన ఎమోషనల్ లవ్ స్టోరీ. తెలుగులో ఈ చిత్రానికి ఓ సోల్ ఫుల్ టైటిల్ ఉండాలని భావించిన దిల్ రాజు, జాను అయితే బాగుంటుంది అని అది నిర్ణయించారట. ఐతే అప్పటికే దీన్ని పోలిన టైటిల్ తో ప్రభాస్ మూవీ చిత్రీకరణ జరుపుకుంటున్న నేపథ్యంలో దిల్ రాజు ఆ చిత్ర నిర్మాన సంస్థ అధినేతలతో ఒకరైన వంశీకి ఫోన్ చేశారట.
దిల్ రాజు జాను టైటిల్ మా సినిమాకు అనుకుంటున్నాము అని అడుగగా, వంశీ…మాసినిమా విడుదలకు ఇంకా చాల సమయం ఉంది ఒకే ఆ టైటిల్ పెట్టుకోండి అన్నారట . వంశీ ప్రభాస్ ని సంప్రదించి ఈ నిర్ణయం చెప్పారట. దానితో ప్రభాస్ చిత్రానికి అనుకుంటున్న, టైటిల్ సమంత, శర్వానంద్ హీరో హీరోయిన్లుగా తెరకెక్కిన 96 రీమేక్ కి వాడుకున్నారు. ఆ విధంగా ప్రభాస్ తన టైటిల్ ని దిల్ రాజు కోసం త్యాగం చేశాడట. ఇక ప్రభాస్ మూవీ ఇటీవల ఏర్పాటు చేసిన ఓ భారీ విల్లా సెట్ లో షూటింగ్ జరుపుకుంటుంది. దర్శకుడు రాధా కృష్ణ పీరియాడిక్ లవ్ స్టోరీగా ఈ చిత్రాన్ని తెరకెక్కిస్తుండగా యూవీ క్రియేషన్స్ బ్యానర్ లో తెరకెక్కుతుంది. ఈ చిత్రంలో ప్రభాస్ కి జంటగా పూజా హెగ్డే నటిస్తుంది.
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
