యంగ్ రెబల్ స్టార్ ప్రభాస్ రీసెంట్ గా ‘రాధేశ్యామ్’ సినిమాతో ప్రేక్షకుల ముందుకు వచ్చారు. ఈ సినిమా ఆశించిన స్థాయిలో సక్సెస్ అందుకోలేకపోయింది. ప్రభాస్ లాంటి యాక్షన్ హీరోని లవర్ బాయ్ గెటప్ లో చూడలేకపోయారు ఫ్యాన్స్. దీంతో ప్రభాస్ నుంచి ఓ యాక్షన్ సినిమా కోసం చాలా రోజులుగా ఎదురుచూస్తున్నారు. ప్రశాంత్ నీల్ దర్శకత్వంలో ప్రభాస్ నటిస్తోన్న ‘సలార్’ సినిమాపై భారీ అంచనాలు ఏర్పడ్డాయి. ఈ సినిమా ఎప్పుడు విడుదలవుతుందా అని ఆసక్తిగా ఎదురుచూస్తున్నారు.
అయితే ఈ సినిమా ఇప్పట్లో విడుదల కాదని తెలుస్తోంది. ఎందుకంటే ఇప్పటివరకు ‘సలార్’ సినిమా సగం షూటింగ్ కూడా పూర్తి కాలేదు. మరోపక్క ఈ సినిమా షూటింగ్ కి బ్రేక్ పడిందని తెలుస్తోంది. తాజా సమాచారం ప్రకారం.. ‘సలార్’ సినిమా షూటింగ్ ప్రస్తుతం ఆగిపోయినట్లు టాక్. ‘రాధేశ్యామ్’ సినిమా విడుదల తరువాత చిన్న సర్జరీ కోసం ప్రభాస్ విదేశాలకు వెళ్లిన సంగతి తెలిసిందే. ఆయన పూర్తిగా కోలుకోవడానికి మరో రెండు నెలల సమయం పడుతుందట.
దీంతో ‘సలార్’ సినిమా షూటింగ్ ని ఆపేశారని ఇండస్ట్రీ వర్గాల్లో జోరుగా ప్రచారం జరుగుతోంది. మరోపక్క ప్రశాంత్ నీల్ డైరెక్ట్ చేసిన ‘కేజీఎఫ్2’ విడుదలకు సిద్ధమవుతోంది. ఈ సినిమాను ప్రమోట్ చేయడంలో ప్రశాంత్ నీల్ బిజీ అవ్వడం ఖాయం. ఆ విధంగా కూడా ‘సలార్’ సినిమాకి బ్రేక్ వచ్చింది. వచ్చే ఏడాదిలో ‘సలార్’ సినిమాను విడుదల చేయాలని భావిస్తోంది చిత్రబృందం. షూటింగ్ గనుక ఆలస్యమైతే..
రిలీజ్ కి మరింత సమయం పట్టడం ఖాయం. అలా చూసుకుంటే ఈ యాక్షన్ ఫిలిం కోసం ప్రేక్షకులు మరిన్ని రోజులు ఎదురుచూడక తప్పేలా లేదు. ఈ సినిమాతో పాటు ‘ఆదిపురుష్’, ‘ప్రాజెక్ట్ K’, ‘స్పిరిట్’ వంటి సినిమాల్లో నటిస్తున్నాడు ప్రభాస్.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
