అదేంటో ఒకే రోజు ప్రభాస్ సినిమాలకే ఇలా జరిగింది.ఫిబ్రవరి 2.. ప్రభాస్ కు అతని అభిమానులకు బ్లాక్ డే అని చెప్పాలేమో. ‘ఆదిపురుష్’ షూటింగ్ అలా ప్రారంభయ్యిందో లేదో.. ఫైర్ యాక్సిడెంట్ జరిగింది. సెట్ మొత్తం నాశనం అయిపోయింది. దీనికే కోట్ల రూపాయాల్లో నష్టం వాటిల్లిందని తెలుస్తుంది. ఇది జరిగిన కొన్ని గంటలకే ‘సలార్’ చిత్ర యూనిట్ సభ్యుల వ్యాన్ కూడా ప్రమాదానికి గురవ్వడం కలకలం సృష్టించింది. పెద్దపల్లి జిల్లా గోదావరిఖని శ్రీనగర్ జాతీయ రహదారి వద్ద యూటర్న్ తీసుకుంటున్న సమయంలో అటు నుండీ వస్తున్న లారీ ‘సలార్’ యూనిట్ సభ్యుల వ్యాన్ ను ఢీ కొట్టినట్టు తెలుస్తుంది.
దీంతో సిబ్బందికి స్వల్ప గాయాలు అయ్యాయని సమాచారం. వెంటనే వారిని ఆసుపత్రికి తరలించారట. పెద్దపల్లి జిల్లాలోని సింగరేణి ఓపెన్ కాస్ట్ గనుల్లో ‘సలార్’ షూటింగ్ ప్రారంభమయ్యింది. ఇక ముంబైలో ‘ఆదిపురుష్’ సెట్లో ఫైర్ యాక్సిడెంట్ అయినప్పటికీ అదృష్టవశాత్తు అక్కడ కూడా ఎవ్వరికీ హాని జరగలేదు. అయితే ఒకే రోజు ప్రభాస్ సినిమాల షూటింగ్లకే ఇలా జరగడంతో ఈ విషయం పెద్ద చర్చకు దారితీసింది. ఇక ‘సలార్’ చిత్రాన్ని ‘కె.జి.ఎఫ్’ దర్శకుడు ప్రశాంత్ నీల్ డైరెక్ట్ చేస్తుండగా…
‘ఆదిపురుష్’ చిత్రాన్ని ఓం రౌత్ డైరెక్ట్ చేస్తున్నాడు. ఈ రెండు కూడా పాన్ ఇండియా మూవీస్ గానే తెరకెక్కుతున్నాయి. అయితే ‘ఆదిపురుష్’.. రామాయణంలోని మనకు తెలియని ఒక భాగం ద్వారా రూపొందుతుండగా.. ‘సలార్’ పూర్తిగా యాక్షన్ మూవీ కావడం విశేషం.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
