‘బాహుబలి’ సినిమాతో ప్రభాస్ కి పాన్ ఇండియా స్టార్ ఇమేజ్ దక్కింది. అప్పటినుంచి ఆయన వరుసగా పాన్ ఇండియా సినిమాలే చేస్తున్నారు. అది కూడా పేరున్న దర్శకులు, నిర్మాతలతో కలిసి పని చేస్తున్నారు. ఆయన చివరిగా నటించిన ‘సాహో’ సినిమా పాన్ ఇండియా లెవెల్ లో సత్తా చాటింది. ముఖ్యంగా బాలీవుడ్ లో వంద కోట్లకు పైగానే వసూళ్లను సాధించింది. ఆ సినిమా విడుదలైన రెండున్నరేళ్లు అవుతోంది. ఇప్పుడు ‘రాధేశ్యామ్’ సినిమాతో ప్రేక్షకులను పలకరించబోతున్నారు ప్రభాస్.
ఇది కాకుండా ఆయన ‘ఆదిపురుష్’, ‘సలార్’ వంటి సినిమాలను లైలా పెట్టారు. మరోపక్క నాగ్ అశ్విన్ దర్శకత్వంలో ‘ప్రాజెక్ట్ K’ అనే సినిమా చేయబోతున్నారు. ఆ సినిమా కూడా షూటింగ్ దశలో ఉంది. ఈ సినిమాలతో పాటు ప్రభాస్ ‘స్పిరిట్’ అనే సినిమాను మొదలుపెట్టబోతున్నారు. ‘అర్జున్ రెడ్డి’ సినిమాతో టాలీవుడ్ లో తన సత్తా చాటిన దర్శకుడు సందీప్ రెడ్డి వంగా ఈ సినిమాను డైరెక్ట్ చేయబోతున్నారు. ప్రముఖ బాలీవుడ్ నిర్మాత భూషణ్ కుమార్ దీనికి నిర్మాతగా వ్యవహరిస్తున్నారు.
అయితే ఈ సినిమాలో ప్రభాస్ పోలీస్ ఆఫీసర్ గా కనిపించబోతున్నారంటూ సోషల్ మీడియాలో ప్రచారం జరిగింది. తాజాగా ఓ ఇంటర్వ్యూలో పాల్గొన్న నిర్మాత భూషణ్ కుమార్ ఈ విషయాన్ని కన్ఫర్మ్ చేశారు. కథ ప్రకారం సినిమాలో ప్రభాస్ పోలీస్ ఆఫీసర్ గా కనిపించబోతున్నారంటూ వెల్లడించారు. ఇప్పటివరకు ప్రభాస్ పోలీస్ ఆఫీసర్ గా కనిపించలేదు. ఆయన పోలీస్ ఆఫీసర్ గా నటిస్తే ఎలా ఉంటుందో చూడాలని అభిమానులు ఆసక్తిగా ఎదురు చూస్తున్నారు. వచ్చే ఏడాదిలో ఈ సినిమా మొదలుకానుంది. ఇందులో బాలీవుడ్ స్టార్ హీరోయిన్ నటించబోతుందని సమాచారం.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
