‘ట్యాక్సీవాలా’ తో హీరోయిన్ గా ఎంట్రీ ఇచ్చిన ప్రియాంక జవాల్కర్ ఇప్పుడు ‘తిమ్మరుసు’ మూవీలో కూడా నటించి మరో హిట్ ను సొంతం చేసుకుంది. సత్యదేవ్ హీరోగా నటించిన ఈ మూవీలో ప్రియాంక జవాల్కర్… లాయర్ అను పాత్రలో నటించి మెప్పించింది.మునుపటికంటే ఈమె ఈ మూవీలో మరింత గ్లామర్ గా కనిపించింది అని చెప్పాలి.ఈ మధ్య కాలంలో ప్రియాంక మరింత సన్నబడిన సంగతి తెలిసిందే. అయితే గతంలో ఈమె కాస్త బరువు పెరిగినప్పుడు నెటిజన్లు ఈమెను ట్రోల్ చేశారు.
అయితే ఎవ్వరి కామెంట్స్ ను ఈమె పట్టించుకోలేదు కానీ పరోక్షంగా ఆమె తాజాగా ఈ విషయం పై స్పందించింది. తిమ్మరుసు సక్సెస్ మీట్ లో భాగంగా ఈమె మాట్లాడుతూ.. “లాక్ డౌన్ తర్వాత నేను బరువు పెరిగాను. నాకు సంభవించిన అనారోగ్య సమస్యల కారణంగా నేను బరువు పెరిగడం జరిగింది..! ఇదే విషయం దర్శకుడు శరణ్ కొప్పిశెట్టికి కూడా చెప్పాను. అప్పుడు అతను.. ‘నాకు హీరోయిన్ కావాలి.. నా సినిమాలో నేను సృష్టించిన పాత్రని పోషించడానికి..!
మోడల్ అవసరం లేదు’.. అంటూ నాకు సపోర్ట్ ఇచ్చారు. అతను కోరుకున్న విధంగా నేను నటించాను అనుకుంటున్నాను. అలాగే మా.. డి.ఓ.పి అప్పు కి కూడా కాల్ చేసి అడిగాను.నేను బానే కనిపించినా అని.. ‘సినిమాకి బాడీ సైజ్,షేప్ అవసరం లేదు. పాత్రలో సహజత్వం చూపించాలి. ఇప్పుడు చాలా మంది హీరోయిన్లు సహజత్వం కోసం బరువు పెరుగుతున్నారు, తగ్గుతున్నారు’ అంటూ అతను ధైర్యం చెప్పాడు. హీరో సత్య కూడా అదే మాట చెప్పి నన్ను ప్రోత్సహించారు. థాంక్యూ మీ అందరి సపోర్ట్ కి’ అంటూ చెప్పుకొచ్చింది ప్రియాంక జవాల్కర్.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
