సినిమాల్లో రొమాంటిక్‌ సీన్స్‌ చూడటానికి చాలా బాగుంటాయి. అయితే వాటిని చేయడానికి నటీనటులు ఎంత ఇబ్బంది పడతారో తెలుసా? అందులోనూ తొలి సినిమాలోనే అలాంటి సీన్స్‌ చేయాల్సి వస్తే… ఇంకా ఇబ్బంది పడుతుంటారు. రాశీ ఖన్నాకి కూడా అలాంటి పరిస్థితే ఎదురైందట. ఆ సీన్‌ పూర్తి చేశాక… ఏకంగా ఏడ్చేసిందట రాశీ. ఇదంతా ఆమె తొలి సినిమా ‘మద్రాస్‌ కెఫె’ గురించే. ఆ సినిమాలో జాన్‌ అబ్రహంతో ఆమెకు ఓ రొమాంటిక్‌ సీన్‌ ఉంటుంది.
సినిమాలో నటించడానికి ఒప్పుకున్నప్పుడు… ఎలాంటి సీన్స్‌లో అయినా నటించాల్సిందే అని ‘మద్రాస్‌ కెఫె’ చేస్తున్నప్పుడే రాశీ ఖన్నా అర్థమైందట. ఆ సినిమాలో జాన్‌ అబ్రహమ్‌ భార్య పాత్రలో రాశీ ఖన్నా నటిచింది. ముందు చెప్పుకున్నట్లు ఆ సినిమాలో రెండు రొమాంటిక్‌ సీన్స్‌ ఉన్నాయి. ఆ సీన్స్‌ చేయడానికి రాశీ చాలా ఇబ్బంది పడిందట. తొలి సినిమాకే ఇలాంటి పరిస్థితి ఎందుకు అనుకుందట. అంతేకాదు ఆ సీన్‌ షూట్‌ చేశాక… వ్యానిటీ వ్యాన్‌లోకి వెళ్లి ఏడ్చేసిందట రాశీ.
అయితే సినిమాల్లో ఇలాంటి సన్నివేశాలు ఒక భాగం… అని తెలుసుకొని, అర్థం చేసుకోవడానికి రాశీకి కొంత సమయం పట్టిందట. నటనను ఓ వృత్తిగానే చూడాలి అని అనుకొని అర్థం చేసుకుందట. ఆ తర్వాత ‘వరల్డ్‌ ఫేమస్‌ లవర్‌’లో అలాంటి సీన్లు చేయాల్సి వచ్చినప్పుడు ఎలాంటి ఇబ్బంది పడలేదట రాశి. ఆ సినిమా విడుదలయ్యాక… ఆ పాత్ర విషయంలో కొందరు విమర్శించినా పెద్దగా పట్టించుకోలేదట రాశి.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
