రాజమౌళి డైరెక్షన్ లో తెరకెక్కిన బిగ్గెస్ట్ బ్లాక్ బస్టర్ హిట్లలో మగధీర సినిమా ఒకటనే సంగతి తెలిసిందే. 40 కోట్ల రూపాయల బడ్జెట్ తో తెరకెక్కిన ఈ సినిమా ఫుల్ రన్ లో దాదాపుగా 90 కోట్ల రూపాయల షేర్ కలెక్షన్లను సొంతం చేసుకోవడం గమనార్హం. రామ్ చరణ్ ఈ సినిమాతో ఇండస్ట్రీ హిట్ ను ఖాతాలో వేసుకున్నారనే సంగతి తెలిసిందే. ప్రముఖ నిర్మాతలలో ఒకరైన అల్లు అరవింద్ ఈ సినిమాకు నిర్మాతగా వ్యవహరించారు.
ఆర్ఆర్ఆర్ సినిమాతో మరో ఇండస్ట్రీ హిట్ ను ఖాతాలో వేసుకున్న రాజమౌళి తాజాగా ఒక ఇంటర్య్వూలో మాట్లాడుతూ కీలక వ్యాఖ్యలు చేశారు. ప్రొడక్షన్ టీమ్ నుంచి నాకు సపోర్ట్ లభించి ఉంటే బాహుబలి సినిమాను ఏ విధంగా తెరకెక్కించానో మగధీర సినిమాను కూడా అదే విధంగా తెరకెక్కించేవాడినని రాజమౌళి పేర్కొన్నారు. ఇటీవల చరణ్ నేను ఈ విషయం గురించి చర్చించామని జక్కన్న తెలిపారు. మంచి మార్కెటింగ్ ఉంటే మగధీర మూవీ మరిన్ని భారీ ప్రశంసలను పొందేదని జక్కన్న పేర్కొన్నారు.
ప్రొడక్షన్ టీమ్ నుంచి మద్దతు లభించి ఉంటే మగధీర మూవీ మరో బాహుబలి అయ్యేదని జక్కన్న చెప్పకనే చెప్పేశారు. జక్కన్న పరోక్షంగా అల్లు అరవింద్ పై విమర్శలు చేశారని నెటిజన్లు భావిస్తున్నారు. మగధీర సినిమా బడ్జెట్ విషయంలో ఆంక్షలు విధించారని రాజమౌళి కామెంట్ల వల్ల అర్థమవుతోంది. రాజమౌళి చేసిన కామెంట్ల గురించి మగధీర నిర్మాత అల్లు అరవింద్ నుంచి ఎలాంటి స్పందన వస్తుందో చూడాల్సి ఉంది. ప్రస్తుతం రెస్ట్ తీసుకుంటున్న రాజమౌళి త్వరలో మహేష్ సినిమాతో బిజీ కానున్నారు.
ఆ సినిమా స్క్రిప్ట్ పనులు పూర్తైన తర్వాత షూటింగ్ మొదలుకానుంది. 500 కోట్ల రూపాయల బడ్జెట్ తో ఈ సినిమా తెరకెక్కే ఛాన్స్ అయితే ఉందని సమాచారం అందుతోంది. మహేష్ కు జోడీగా బాలీవుడ్ బ్యూటీ నటించే ఛాన్స్ ఉందని ప్రచారం జరుగుతోంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
