వెండితెరపై స్టార్ హీరోగా వరుస సినిమా ఆఫర్లతో బిజీగా ఉన్న జూనియర్ ఎన్టీఆర్ ఎవరు మీలో కోటీశ్వరులు షో కోసం మళ్లీ రియాలిటీ షో హోస్ట్ గా మారారు. ప్రస్తుతం ఎన్టీఆర్ చరణ్ తో కలిసి ఆర్ఆర్ఆర్ సినిమాలో నటిస్తుండగా ఎవరు మీలో కోటీశ్వరులు తొలి ఎపిసోడ్ కు చరణ్ గెస్ట్ గా హాజరై సందడి చేశారు. అయితే ప్రోమోలో రామ్ చరణ్, జూనియర్ ఎన్టీఆర్ జక్కన్నపై సెటైర్లు వేయడం గమనార్హం. రాజమౌళితో సినిమా అంటే ఏ హీరో అయినా కనీసం రెండు నుంచి మూడు సంవత్సరాల సమయం కేటాయించాల్సిందే.
రాజమౌళి ఈరోజు గడ్డం ఏంటి పెద్దగా ఉందని ఈరోజు జుట్టేంటి తక్కువగా ఉందని చెబుతాడని ఎన్టీఆర్ కామెంట్లు చేయగా మూడు సంవత్సరాలు సినిమా తీస్తే గడ్డం, జుట్టులో మార్పులు రాకుండా ఉంటాయా జక్కన్నా అంటూ చరణ్ పంచ్ లు పేల్చారు. చరణ్, ఎన్టీఆర్ సెటైర్లపై రాజమౌళి ఏమని స్పందిస్తారో చూడాల్సి ఉంది. మరోవైపు రాజమౌళి భారీ సినిమాలు తీసినా ఒక్కో సినిమాకు రెండు మూడు సంవత్సరాల సమయం తీసుకుంటే కష్టమేనని నెటిజన్లు కామెంట్లు చేస్తున్నారు.
ప్రస్తుతం రాజమౌళి వయస్సు 47 సంవత్సరాలు కాగా జక్కన్న దర్శకునిగా మరో 20 సంవత్సరాలు కెరీర్ ను కొనసాగించే అవకాశం ఉంది. రాజమౌళి తర్వాత సినిమా మహేష్ తో ఫిక్స్ కాగా ఆ తర్వాత ఎవరితో సినిమాను ఫిక్స్ చేస్తారో చూడాల్సి ఉంది. జక్కన్న సినిమాలన్నీ పాన్ ఇండియా సినిమాలుగా తెరకెక్కుతుండటం గమనార్హం.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
