ప్రభాస్ హీరోగా నటించిన సాహో సినిమా తర్వాత డైరెక్టర్ సుజిత్ ఏ సినిమాలను ప్రకటించలేదు. దాదాపు మూడు సంవత్సరాల తర్వాత సుజిత్ పవర్ స్టార్ పవన్ కళ్యాణ్ తో సినిమా చేయబోతున్నారని ప్రకటించడంతో ఒక్కసారిగా అభిమానులు సంతోషం వ్యక్తం చేశారు. ఈ క్రమంలోనే ఈ విషయాన్ని అధికారకంగా తెలియజేస్తూ పోస్టర్ విడుదల చేశారు. ప్రస్తుతం ఈ పోస్టర్ సోషల్ మీడియాలో వైరల్ గా మారింది. ఇకపోతే సాహో సినిమా తర్వాత సుజిత్ దర్శకత్వంలో పవన్ కళ్యాణ్ హీరోగా రాబోతున్న ఈ చిత్రాన్ని డివివి ఎంటర్టైన్మెంట్ బ్యానర్ పై దానయ్య ఎంతో ప్రతిష్టాత్మకంగా నిర్మిస్తున్నారు.
రాజమౌళి దర్శకత్వంలో వచ్చిన త్రిబుల్ ఆర్ సినిమా అనంతరం డివివి ఎంటర్టైన్మెంట్స్ లో పవన్ కళ్యాణ్ సినిమా అనౌన్స్ చేయడంతో సినిమాపై భారీ అంచనాలు పెరిగాయి. తాజాగా విడుదల చేసిన ఈ పోస్టర్ లో ఒరిజినల్ గ్యాంగ్ స్టర్, ఫైర్ స్టార్మ్ ఈజ్ కమింగ్ లాంటి హ్యాష్ ట్యాగ్స్ అభిమానులను ఎంతో థ్రిల్ చేస్తున్నాయి. ఇక పవన్ కళ్యాణ్ కొత్త సినిమా అనౌన్స్మెంట్ గురించి ఇప్పటికే ఎంతోమంది స్పందిస్తూ తమదైన శైలిలో కామెంట్లు చేయగా తాజాగా రామ్ చరణ్ సైతం పవన్ కళ్యాణ్ సుజిత్ సినిమా పై కామెంట్ చేశారు.
పవన్ కళ్యాణ్, సుజిత్ వాట్ ఏ కాంబినేషన్… ఫస్ట్ లుక్ అదిరింది. ఈ సినిమా నిర్మిస్తున్న డివివి ఎంటర్టైన్ సంస్థకు, డిఓపి రవిచంద్రన్ కి ఆల్ ది బెస్ట్ అంటూ రాంచరణ్ ట్విట్టర్ వేదికగా ఈ సినిమాపై కామెంట్ చేశారు. ప్రస్తుతం రామ్ చరణ్ చేసిన ఈ కామెంట్స్ సోషల్ మీడియాలో వైరల్ అవుతున్నాయి.ఇక ప్రస్తుతం పవన్ కళ్యాణ్ హరిహర వీరమల్లు సినిమా షూటింగ్ తో బిజీగా ఉన్న విషయం తెలిసిందే.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
