సినిమాల కథల విషయంలో హీరోలు వేలు పెడతారా? అంటే ‘మార్పులు.. చేర్పులు’ చెబుతారు అనే మాట వినిపిస్తుంది. ఇది కేవలం టాలీవుడ్‌కే కాదు… అన్ని ‘వుడ్‌’లలోనూ ఉంది. అయితే హిట్‌ ట్రాక్‌లో ఉన్న దర్శకుడికి ఇలాంటి పరిస్థితి ఉండదు అనే మాటలు వినిపిస్తుంటాయి. ఇప్పుడు ఇదంతా ఎందుకు అంటారా? అసలు ఎవరి గురించి ఇదంతా అని అడుగుతారా. చెబుతాం చెబుతాం. ఆ డైరక్టర్‌ లింగుస్వామి అయితే… హీరో రామ్‌ పోతినేని. అదీ విషయం.
రామ్‌ – లింగుస్వామి కాంబో తెలుగు – తమిళ భాషల్లో ఓ సినిమా తెరకెక్కుతున్న విషయం తెలిసిందే. ఇటీవల లాంఛనంగా ప్రారంభమైన ఈ సినిమాకు సంబంధించి ప్రీ ప్రొడక్షన్‌ పనులు వేగంగా సాగుతున్నాయి. ఈ క్రమంలో కథ, స్క్రీన్‌ప్లేకు తుదిమెరుగులు దిద్దుతున్నారట. ఈ ప్రక్రియలో రామ్‌ అండ్‌ టీమ్‌ కూడా కూర్చుంటోందట. కథకు అవసరమైన మార్పులు, చేర్పులు చెబుతున్నారట. ఇప్పుడు ఈ విషయంలో టాలీవుడ్‌లో ఆ నోటా, ఈ నోటా వినిపిస్తోంది.
లింగుస్వామి గత కొన్ని రోజులుగా హిట్స్‌కి దూరంగా ఉన్న విషయం తెలిసిందే. దీంతో కథ విషయంలో జాగ్రత్తగా ఉండటం మంచిదే కదా అని కొంతమంది రామ్‌కి సపోర్టు చేస్తున్నారు. ఇంకొంతమందైతే లింగుస్వామి లాంటి సీనియర్‌ దర్శకుడి విషయంలో ఇలా చేస్తారా? అని కూడా అంటున్నారు. మరోవైపు కథ, కథనం విషయంలో స్రవంతి రవికిషోర్‌ కూడా వేలుపెడతారనే విమర్శలూ ఉన్నాయి. ఏదైతేముంది… అందరూ కలిసి మంచి సినిమా తీసుకురావడం ప్రేక్షకులకు కావాలి.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
