అందానికి అభినయాన్ని జోడించి రమ్య కృష్ణ హీరోయిన్ గా అనేక విజయాలను సొంతం చేసుకుంది. స్టార్ హీరోలందరితో నటించి మంచి పేరు తెచ్చుకుంది. పెళ్లి తర్వాత సినిమాలకు లాంగ్ బ్రేక్ ఇవ్వకుండా తనకు సూటయ్యే పాత్రలను సెలక్ట్ చేసుకుంటూ.. క్యారక్టర్ ఆర్టిస్టుగా ఎనలేని గుర్తింపును సొంతం చేసుకుంది. టాలీవుడ్, కోలీవుడ్ లో రమ్యకృష్ణకి ఇప్పటికీ మంచి క్రేజ్ ఉంది. బాహుబలిలో శివగామిగా బాలీవుడ్ ప్రజలకు సైతం దగ్గరైంది. ఇప్పుడు మరో సాహసం చేయబోతోంది. విలన్ గా కనిపించడానికి సిద్ధమవుతోంది. విజయ్‌సేతుపతి, సమంత హీరో హీరోన్లుగా డైరక్టర్ త్యాగరాజన్‌ “సూపర్‌ డీలక్స్‌” అనే సినిమాని తెరకెక్కిస్తున్నారు.
ప్రస్తుతం వేగంగా షూటింగ్ జరుపుకుంటున్న ఈ సినిమాలో నదియా విలన్ గా నటించడానికి ముందుకొచ్చింది. అత్తారింటికి దారేది సినిమాలో అత్తగా ఆకట్టుకున్న ఈమె విలనిజం ప్రదర్శించలేకపోతోంది. దీంతో ఈ సినిమా నుంచి బయటికి వచ్చింది. చిత్రం బృందం వెంటనే రమ్యకృష్ణను కలిసి కథని వినిపించింది. ఇందులో తన రోల్ ఆసక్తికరంగా ఉండడంతో విలన్ రోల్ అయినప్పటికీ చేయడానికి ఓకే చెప్పింది. త్వరలోనే ఆమె పై సన్నివేశాలను తెరకెక్కించనున్నారు. యువన్ శంకర్ రాజా సంగీతమందిస్తున్న ఈచిత్రం పై భారీ అంచనాలున్నాయి.
