తెలుగు చిత్ర పరిశ్రమంలో దగ్గుబాటి వారసుడిగా ఎంతో పేరు ప్రఖ్యాతలు సంపాదించుకొని బాహుబలి సినిమాతో పాన్ ఇండియా స్టార్ గా గుర్తింపు పొందిన నటుడు రానా ఎప్పుడు వైవిద్యభరితమైన సినిమాల ద్వారా ప్రేక్షకుల ముందుకు వస్తుంటారు. బాహుబలి తర్వాత ఈయన పవన్ కళ్యాణ్ నటించిన భీమ్లా నాయక్ సినిమా ద్వారా ప్రేక్షకుల ముందుకు వచ్చారు. ఇక ఈయన కథ ప్రాధాన్యత ఉంటే హీరోగా మాత్రమే కాకుండా విలన్ పాత్రలలో కూడా నటించడానికి సిద్ధమేనని తెలియజేస్తూ పలు సినిమాలలో విలన్ పాత్రలలో కూడా నటిస్తున్న విషయం మనకు తెలిసిందే.
అలాగే సినిమాలు మాత్రమే కాకుండా వెబ్ సిరీస్ లలో కూడా ఈయన నటిస్తున్నారు. ఇలా పలు సినిమాలలో నటిస్తూ ఎంతో బిజీగా ఉన్నటువంటి రానా తాజాగా ఒక ఇంటర్వ్యూలో పాల్గొని ఇండస్ట్రీలో తాను ఎదుర్కొన్నటువంటి ఇబ్బందులను తెలియజేశారు.ప్రస్తుతం సినిమాల విషయంలో ప్రేక్షకుల అభిరుచి మారిపోయిందని తెలియజేశారు. ప్రతి సినిమాకు కొత్తదనం ఉండాలని ప్రేక్షకులు ఆశిస్తున్నారు. ఈ క్రమంలోని కొత్త హీరోలలో స్టార్ హీరోలైనటువంటి హృతిక్ రోషన్ ను షారుక్ ఖాన్ ను చూడాలని ఎవరు అనుకోవడం లేదు.
ప్రతి ఒక్కరు కొత్తదనాన్ని కోరుకుంటున్నారు. ఇక సినిమా ఇండస్ట్రీలో బాహుబలి సినిమా ఒక అద్భుతం అని ఈ సినిమా తర్వాత సినిమాలు చూసే విధానమే మారిపోయిందని తెలిపారు. తన జీవితంలో ఎదుర్కొన్నటువంటి ఇబ్బందులను కూడా రానా తెలియచేశారు. తాను 2005వ సంవత్సరంలో బొమ్మలాట అనే సినిమాకు నిర్మాతగా మారానని తెలిపారు.
ఈ సినిమా పెద్దగా ప్రేక్షకాదరణ నోచుకోకపోయినా రెండు జాతీయ అవార్డులను అందుకుందని తెలియజేశారు. చిన్న సినిమాలను విడుదల చేయాలంటే ఎంత కష్టమో అప్పుడే అర్థమైంది అంటూ ఈ సందర్భంగా రానా (Rana Daggubati) చేసిన కామెంట్స్ వైరల్ అవుతున్నాయి.
ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!
టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు
