కరోనా వైరస్ కారణంగా ఏర్పడిన లాక్ డౌన్ వల్ల.. 2020 లో విడుదల కావాల్సిన చాలా సినిమాలు విడుదల కాకుండా ఆగిపోయాయి. అందులో కొన్ని సినిమాలు ఓటిటిల్లో విడుదలవ్వగా మరికొన్ని సినిమాలు మాత్రం థియేటర్లు తెరిచుకునేంత వరకూ ఎదురుచూస్తూ వచ్చాయి. ఈ లిస్ట్ లో రానా హీరోగా నటించిన ‘అరణ్య’ మూవీ కూడా ఒకటి. ప్రభు సాల్మన్ డైరెక్షన్లో తెరకెక్కిన ఈ చిత్రం 2020 ఏప్రిల్ 2న విడుదల కావాల్సి ఉండగా.. ఆ టైంకి లాక్ డౌన్ రావడంతో విడుదల కాలేదు.
ఓటిటిలో విడుదల చెయ్యమని ఈ చిత్రానికి భారీ ఆఫర్స్ వచ్చినప్పటికీ దర్శకనిర్మాతలు కంగారు పడలేదు.ఈ క్రేజీ ప్రాజెక్టుని థియేటర్లలోనే విడుదల చెయ్యాలని పట్టుబట్టి కూర్చున్నారు. ఎట్టకేలకు ‘అరణ్య’ ను మార్చి 26న విడుదల చెయ్యబోతున్నట్టు తాజాగా దర్శకనిర్మాతలు ప్రకటించారు. అంతా బానే ఉంది కానీ.. అదే రోజున నితిన్, కీర్తి సురేష్ ల ‘రంగ్ దే’ చిత్రాన్ని కూడా విడుదల చెయ్యాలని.. ఆ చిత్రం దర్శకనిర్మాతలు ప్లాన్ చేస్తున్నారట.
అదే కనుక జరిగితే బిగ్ ఫైట్ కు తెరలేపినట్టే అని చెప్పాలి..! నిజానికి ‘రంగ్ దే’ చిత్రాన్ని 2021 సంక్రాంతి కానుకగా విడుదల చేయాలనుకున్నారు. కానీ షూటింగ్ పార్ట్ ఇంకా బ్యాలన్స్ ఉండడంతో.. మళ్ళీ రిలీజ్ డేట్ ను పోస్ట్ పోన్ చేసుకున్నారని తెలుస్తుంది. అయితే ఈ విషయం పై ‘రంగ్ దే’ చిత్రం యూనిట్ సభ్యులు క్లారిటీ ఇవ్వాల్సి ఉంది.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
