కిరిక్ పార్టీ సినిమాతో కన్నడ ఇండస్ట్రీలోకి, ఛలో సినిమాతో టాలీవుడ్ ఇండస్ట్రీలోకి ఎంట్రీ ఇచ్చిన రష్మిక మందన్నా వరుస విజయాలతో తక్కువ సమయంలోనే స్టార్ హీరోయిన్ స్టేటస్ ను సొంతం చేసుకున్నారు. మోస్ట్ వాంటెడ్ హీరోయిన్ అయిన రష్మికకు తెలుగులో గీతా గోవిందం సినిమా మిగతా సినిమాలతో పోలిస్తే ఎక్కువ పేరు, గుర్తింపును తెచ్చిపెట్టింది. ఆ సినిమాలోని రష్మిక నటనకు ఎంతోమంది ఫ్యాన్స్ ఉన్నారు. కెరీర్ మొదట్లో యంగ్, మిడిల్ రేంజ్ హీరోలతో నటించిన రష్మికకు ప్రస్తుతం స్టార్ హీరోల సినిమాల్లో హీరోయిన్ ఆఫర్లు వస్తున్నాయి. గతేడాది విడుదలైన సరిలేరు నీకెవ్వరు సినిమాతో రష్మిక మందన్న కెరీర్ బిగ్గెస్ట్ హిట్ అందుకున్నారు.
నితిన్ హీరోగా నటించిన భీష్మ సినిమాలో కూడా హీరోయిన్ గా నటించి సక్సెస్ ను అందుకున్న రష్మిక ప్రస్తుతం పుష్ప సినిమాలో పల్లెటూరి యువతి పాత్రలో నటిస్తున్నారు. రష్మిక బాలీవుడ్ లో కూడా రెండు సినిమాల్లో నటిస్తున్న సంగతి తెలిసిందే. నితిన్ హీరోగా నటించిన రంగ్ దే సినిమా గత నెలలో విడుదలై అబవ్ యావరేజ్ గా నిలిచింది. ఈ సినిమాలో నితిన్ కు జోడీగా కీర్తి సురేష్ నటించారు.
ఈ సినిమాలోని హీరోయిన్ రోల్ కీర్తి సురేష్ కు సూట్ కాలేదని ఆ పాత్రలో కీర్తి సురేష్ కు బదులుగా రష్మిక మందన్నా నటించి ఉంటే రంగ్ దే మరో గీతా గోవిందం అయ్యేదని రష్మిక ఫ్యాన్స్ అభిప్రాయపడుతున్నారు. రంగ్ దే మూవీలో కీర్తి సురేష్ బాగానే నటించినా కొందరు నెటిజన్లు సైతం రష్మిక అయితే ఇంపాక్ట్ ఎక్కువగా ఉండేదని అభిప్రాయపడుతున్నారు. గతంలో కూడా కొన్ని సినిమాల విషయంలో ప్రేక్షకుల నుంచి ఈ తరహా అభిప్రాయాలు వ్యక్తమయ్యాయి. ప్రస్తుతం కీర్తి సురేష్ సర్కారు వారి పాట సినిమాలో నటిస్తుండగా నితిన్ మ్యాస్ట్రో సినిమాలో నటిస్తున్నారు.
Most Recommended Video
వకీల్ సాబ్ సినిమా రివ్యూ & రేటింగ్!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
జాతి రత్నాలు, ఉప్పెన, క్రాక్..ఇలా బాలీవుడ్ కు చాలానే వెళ్తున్నాయి..!
