టాలీవుడ్ లో హీరోలు, హీరోయిన్స్ తరువాత, విలన్స్ సంగతి పక్కన పెడితే, క్యారెక్టర్ ఆర్టిస్ట్స్ కి ఉన్న డిమాండ్ అంతా ఇంత కాదు. అయితే అప్పట్లో ప్రకాష్ రాజ్ ఇండస్ట్రీని ఒక ఊపు ఊపిన సంగతి మనకు తెలిసిందే. కొన్ని అనికొని గొడవల వల్ల ఆ విలక్షణ నటుడు ఇండస్ట్రీకి దూరం అయ్యిన సంగతి మనకు తెలిసిందే. ఇదిలా ఉంటే తాజాగా ఇండస్ట్రీని ఒక ఊపు ఊపుతున్న ఆర్టిస్ట్ ఎవరైనా ఉన్నారు అంటే ఆది రావు రమేశ్ అనే చెప్పాలి.
ఆయన నటనకు ప్రేక్షక దేవుళ్ళు దాసోహం అనడంతో ఆయనకు వరుస ఆఫర్లు వచ్చిపడుతున్నాయి. అయితే అంతవరకూ బాగానే ఉంది కానీ. అసలు ప్రాబ్లమ్ ఇక్కడే వచ్చింది. వరుస ఆఫర్స్ వస్తూ ఉండడంతో రావు రమేశ్ తన రెమ్యునిరేషన్ ని అమాంతంగా పెంచేసాడని టాలీవుడ్ సర్కిల్స్ నుంచి వస్తున్న సమాచారం..టాలీవుడ్ సర్కిల్స్ లో వినపడుతున్న వార్తల ప్రకారం రోజుల లెక్కన రోజుకు రెండున్నర లక్షలు ఇస్తేనే తన కాల్ షీట్స్ ఇస్తాను అని రావు రమేష్ కండిషన్ లు పెడుతున్నట్లు వార్తలు వస్తున్నాయి.
అయితే ఇతడు నటించే ఏసినిమాకు అయినా ఆ సినిమా కధ రీత్యా పాతిక ముఫై రోజుల కాల్ షీట్స్ ఈ నటుడివి కావలసిన నేపధ్యం ఉంది. దీనితో ఇతడి పారితోషికం దగ్గర దగ్గర కోటి అయిపోతున్న క్రమంలో ఇతడి పారితోషికం చిన్న హీరోల రెమ్యూనిరేషన్ తో సమానం అయిపోతోంది అన్న భయంతో చిన్న సినిమాల నిర్మాతలు భయపడుతున్నారని సమాచారం. మరి ఇదే కంటిన్యూ అయితే రావు రమేశ్ కూడా ప్రకాష్ రాజ్ లాగా అహంకారంతో ఇండస్ట్రీకి దూరం అయిపోతాడేమో అన్న భయం కూడా ఉంది. మరి ఏం జరుగుతుందో చూడాలి.
