రష్మిక మందన ప్రస్తుతం టాలీవుడ్ క్రేజీ హీరోయిన్లలో ఒకరు. మొన్నటి వరకూ ‘టైర్ 2’ హీరోలతో చేస్తూ వచ్చిన రష్మిక.. తాజాగా ‘సరిలేరు నీకెవ్వరు’ లో మహేష్ వంటి స్టార్ హీరోతో నటించింది. త్వరలో అల్లు అర్జున్ తో కూడా జతకట్టబోతుంది. ఇది పక్కన పెడితే.. ఇప్పుడు రష్మిక సెలక్ట్ చేసుకుంటున్న పాత్రలు చూస్తుంటే.. ఈమె స్టార్ హీరోయిన్ అయ్యే అవకాశాలు పుష్కలంగా ఉంటాయని అర్థమవుతుంది. ‘డియర్ కామ్రేడ్’ చిత్రంలో ఎంతో ఎమోషనల్ రోల్ ప్లే చేసింది.
ఇక మొన్నొచ్చిన ‘సరిలేరు నీకెవ్వరు’ కామెడీ రోల్ చేసింది. ఓ వర్గం ప్రేక్షకులు ఈమె కామెడీ టైమింగ్ ను బాగా ఎంజాయ్ చేశారు. ఇక త్వరలో రాబోతున్న ‘భీష్మ’ చిత్రంలో కూడా ఈమె సీరియస్ ప్లే చేస్తుంది అని.. ఇప్పటికే విడుదల చేసిన టీజర్ చూస్తేనే స్పష్టమవుతుంది. ఇదిలా ఉంటే.. తాజాగా విడుదల చేసిన ‘వాటే బ్యూటీ’ ప్రోమోలో రష్మిక డ్యాన్స్ చూస్తే మతిపోవాల్సిందే. తన గ్లామర్ తో పాటు డ్యాన్స్ తో కూడా అలరించింది రష్మిక. ‘ఫిదా’ లో సాయిపల్లవి తన డ్యాన్స్ తో ఎలా అలరించిందో..అదే రేంజ్లో రష్మిక కూడా అలరించేలా ఉంది. ఈ ప్రోమో చూస్తున్నంత సేపు రష్మికలో ఈ యాంగిల్ కూడా ఉందా.. అనేలా మ్యాజిక్ చేసింది ఈ బ్యూటీ. మీరు కూడా ఈ ప్రోమోని ఓ లుక్కెయ్యండి.
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
