రవితేజ ఇప్పుడు ఎలాగైనా హిట్ కొట్టాల్సిన పరిస్థితి ఏర్పడింది. ‘రాజా ది గ్రేట్’ వంటి హిట్ తరువాత ‘టచ్ చేసి చూడు’ ‘నేల టికెట్’ ‘అమర్ అక్బర్ ఆంటోని’ ‘డిస్కో రాజా’ వంటి 4 డిజాస్టర్లను మూటకట్టుకున్నాడు రవితేజ. ఆ చిత్రాలు కనీసం 10 కోట్ల షేర్ ను కూడా వసూల్ చేయలేకపోయాయి. కాబట్టి ఇప్పుడు రవితేజ ఎలాగైనా హిట్టు కొట్టాల్సిందే. ప్రస్తుతం గోపీచంద్ మలినేని డైరెక్షన్లో ‘క్రాక్’ అనే చిత్రం చేస్తున్నాడు. ఆ చిత్రం లాక్ డౌన్ లేకుండా ఉండుంటే.. ఈ పాటికే విడుదలయ్యి ఉండేది.
ఈ చిత్రం పక్కా మాస్ ఎంటర్టైనర్ గా రూపొందుతుందట. ఇందులో రవితేజ సీరియస్ కాప్ రోల్ లో కనిపిస్తాడని తెలుస్తుంది. ఈ చిత్రం తరువాత ‘రైడ్’ ‘రాక్షసుడు’ చిత్రాలను అందించిన రమేష్ వర్మ డైరెక్షన్లో ఓ చిత్రం చెయ్యబోతున్నాడు. దాంతో పాటు త్రినాథ్ రావు నక్కిన డైరెక్షన్లో కూడా సినిమా చెయ్యబోతున్నాడు. రమేష్ వర్మ డైరెక్షన్లో చేసే సినిమా కూడా సీరియస్ గానే సాగుతుందని సమాచారం. ఇదిలా ఉండగా.. మెగాస్టార్ చిరంజీవి తరువాత ఆ స్థాయిలో మాస్ కామెడీని అందించేది మాత్రం నిర్మొహమాటంగా రవితేజ అనే చెప్పాలి.
‘వెంకీ’ ‘విక్రమార్కుడు’ ‘దుబాయ్ సీను’ ‘ఆంజనేయులు’ వంటి చిత్రాల్లో రవితేజ మాస్ కామెడీని ఎవ్వరూ మర్చిపోలేరు. అలాంటి రవితేజ ఈ మధ్య కాలంలో కంప్లీట్ మాస్ కామెడీ సినిమా చెయ్యలేదు. అందుకే త్రినాథ్ రావు నక్కిన డైరెక్షన్లో రవితేజ చెయ్యబోతున్న చిత్రం కామెడీ ఫుల్ గా ఉంటుందట. మెగాస్టార్ చిరంజీవి నటించిన ‘చంటబ్బాయి’ స్టైల్లో.. రవితేజ -త్రినాథ్ రావు సినిమాలో కామెడీ ఉంటుందని తెలుస్తుంది. రైటర్ ప్రసన్న కూడా రవితేజ స్టైల్ లో అదిరిపోయే పంచ్ లు ఉండేలా స్క్రిప్ట్ ను రెడీ చేస్తున్నాడట. అలా అయితే రవితేజ తిరిగి మంచి ఫామ్లోకి రావడం గ్యారెంటీ అనే చెప్పాలి.
Most Recommended Video
ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!
