మాస్ మహరాజ్ రవితేజ టైం ఏమి బాగోలేదు. ఆయన తన స్థాయి హిట్ అందుకొని చాలా కాలం అయ్యింది. ఒకప్పుడు మినిమమ్ గ్యారంటీ హీరోగా ఉన్న రవి తేజకు వరుస ప్లాప్ లు ఎదురవుతున్నాయి. ఈ నేపథ్యంలో రవితేజ కమిటైన ఓ చిత్రం కూడా ఇప్పుడు ఆగిపోయిందనే న్యూస్ ఇండస్ట్రీలో చక్కర్లు కొడుతుంది. ఈ మధ్య రాక్షసుడు మూవీతో హిట్ అందుకున్న దర్శకుడు రమేష్ వర్మతో రవితేజ మూవీ ప్రకటించిన సంగతి తెలిసిందే. కాగా ఈ మూవీ ఆగిపోయిందనే న్యూస్ టాలీవుడ్ లో చక్కర్లు కొడుతుంది.
డిస్కో రాజా ఫలితం తరువాత మేకర్స్ ఆలోచనలో పడ్డారని, బడ్జెట్ పరిమితుల కారణంగా ఈ మూవీ అటకెక్కిందని పుకార్లు లేచాయి. ఇక గతంలో రమేష్ వర్మ రవితేజతో వీర అనే చిత్రం తెరకెక్కించారు. ఆ మూవీ పరాజయం పాలైంది. రమేష్ వర్మ ట్రాక్ రికార్డు కూడా అంతగా ఏమీ బాగోలేదు. మరి ఈ విషయంలో ఎంత వరకు నిజం ఉందో తెలియాలంటే మరికొన్ని రోజులు ఆగాల్సిందే. ఇక రవితేజ ప్రస్తుతం దర్శకుడు గోపి చంద్ మలినేనితో క్రాక్ మూవీలో నటిస్తున్నారు.
యాక్షన్ ఎంటర్టైనర్ గా వస్తున్న ఈ చిత్రంలో హీరోయిన్ గా శృతి హాసన్ నటిస్తుంది. వరలక్ష్మీ, సముద్ర ఖని విలన్స్ గా నటిస్తున్నారు. థమన్ సంగీతం అందిస్తున్నారు. గోపీచంద్ మలినేని, రవితేజ లది హిట్ కాంబినేషన్. గతంలో వీరి కాంబినేషన్ లో వచ్చిన డాన్ శీను, బలుపు మంచి విజయం అందుకున్నాయి. హ్యాట్రిక్ మూవీగా వస్తున్న ఈ చిత్రంపై రవితేజ భారీగా ఆశలు పెట్టుకున్నారు. మరి ఈ మూవీ అయినా రవితేజకు హిట్ ఇస్తుందో లేదో చూడాలి.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
