బాలీవుడ్ యంగ్ హీరో సుశాంత్ సింగ్ రాజ్ పుత్ మరణించి మూడు నెలలు దాటిపోయింది. జూన్ 14న ఆయన తన నివాసంలో ఉరికి వేలాడుతూ కనిపించారు. సుశాంత్ మరణానికి కారణం అతడు మానసిక ఒత్తిడి అని, ఆత్మహత్య చేసుకున్నారని వైద్యులు దృవీకరించడం జరిగింది. ఐతే సుశాంత్ కుటుంబ సభ్యులు దీనిపై అనుమానం వ్యక్తం చేయడం జరిగింది. సుశాంత్ ఆత్మ హత్య చేసుకునేంత పిరికివాడు కాదని ఆరోపించారు. సుశాంత్ తండ్రి కేకే సింగ్ బీహార్ లో సుశాంత్ మాజీ ప్రేయసి రియా చక్రవర్తిపై కేసు పెట్టారు.
ఇక బీహార్ గవర్నమెంట్ ప్రతిపాదనతో కేసును సీబీఐకి అప్పగించారు. రంగంలోకి దిగిన సీబీఐ సుశాంత్ డెత్ కేసును పలుకోణాల్లో విచారిస్తున్నారు. ఈ నేపథ్యంలో డ్రగ్స్ వ్యవహారం వెలుగు చూడగా రియా మరియు షోవిక్ లను అరెస్ట్ చేశారు. ఇక సుశాంత్ ని ఎవరైనా హత్య చేశారా లేక ఆత్మహత్య చేసుకున్నాడా అని తెలుకోవడాని సుశాంత్ పోస్ట్ మార్టం రిపోర్ట్ ఎయిమ్స్ వైద్య బృందానికి పంపడం జరిగింది. సుశాంత్ పోస్ట్ మార్టం, ఆటాప్సీ రిపోర్టులు పరిశీలించిన ఎయిమ్స్ వైద్యులు ఇది ఆత్మహత్యగానే నిర్ధారించారు.
సుశాంత్ కి విషం ఇచ్చినట్లు, గొంతు నులిమి చంపిన ఆనవాళ్లు ఏమీ లేవని డాక్టర్స్ సీబీఐకి ఇచ్చిన నివేదికలో ఉన్నట్లు సమాచారం. కారణాలేమైనా సుశాంత్ ఆత్మహత్య చేసుకొని మరణించారని మరోమారు నిర్ధారణ అయ్యింది.
Most Recommended Video
బిగ్‌బాస్‌లో రోజూ వినే గొంతు… ఈయనదే!
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
కోలీవుడ్లో ఎక్కువ పారితోషికం తీసుకునే హీరోలు వీళ్ళే..!
