రామ్, కృతిశెట్టి హీరోహీరోయిన్లుగా నటించిన ది వారియర్ సినిమా మరికొన్ని రోజుల్లో థియేటర్లలో విడుదల కానున్న సంగతి తెలిసిందే. తెలుగు, తమిళ భాషల్లో రిలీజ్ కానున్న ఈ సినిమాపై భారీ స్థాయిలో అంచనాలు నెలకొన్నాయి. లింగుస్వామి సినిమా అంటే ఆ సినిమాలో మాస్ ప్రేక్షకులకు నచ్చే అంశాలు ఎక్కువగా ఉంటాయనే సంగతి తెలిసిందే. ది వారియర్ సినిమాలో రామ్ పోలీస్ ఆఫీసర్ గా కనిపిస్తున్నారు. ఈ సినిమాలో మాస్ ప్రేక్షకులకు నచ్చే సీన్లు ఎక్కువగా ఉండేలా జాగ్రత్తలు తీసుకున్నారని సమాచారం అందుతోంది.
ఈ సినిమాలో సెకండాఫ్ లో వచ్చే సన్నివేశాలలో వయొలెన్స్ ఎక్కువగా ఉంటుందని ఇండస్ట్రీ వర్గాల్లో వినిపిస్తోంది. అయితే సినిమాలో ఆ సన్నివేశాల మోతాదు మించకుండా దర్శకనిర్మాతలు ఎడిటింగ్ లో కొన్ని సన్నివేశాలను కట్ చేస్తున్నారని బోగట్టా. అయితే తెలుగులో కట్ అయిన కొన్ని సీన్లు తమిళంలో మాత్రం ఉంటాయని తెలుస్తోంది. దర్శకుడు లింగుస్వామికి తమిళంలో ఊహించని స్థాయిలో క్రేజ్ ఉంది. తమిళంలో కూడా ఈ సినిమాకు రికార్డు స్థాయిలో థియేటర్లు దక్కుతున్నాయని తెలుస్తోంది.
ఇప్పటికే రిలీజైన పాటలు ఈ సినిమాపై అంచనాలను భారీగా పెంచాయి. ఈ సినిమా నైజాం, ఉత్తరాంధ్ర హక్కులను రామ్ స్వయంగా కొనుగోలు చేయడం గమనార్హం. ప్రముఖ నిర్మాత దిల్ రాజు ద్వారా రామ్ ఈ సినిమాను నైజాంలో రిలీజ్ చేయిస్తున్నారని తెలుస్తోంది. ఈ సినిమా రిజల్ట్ విషయంలో రామ్ కాన్ఫిడెన్స్ తో ఉన్నారని తెలుస్తోంది. రామ్ కృతిశెట్టి కాంబోలో తెరకెక్కిన తొలి సినిమా ఇదే కావడం గమనార్హం.
కృతిశెట్టి హీరోయిన్ గా నటించిన సినిమాలలో ఇప్పటివరకు ఒక్క సినిమా కూడా ఫ్లాప్ కాలేదు. తర్వాత ప్రాజెక్ట్ లతో కృతిశెట్టి బాక్సాఫీస్ వద్ద ఎలాంటి ఫలితాలను అందుకుంటారో చూడాలి. శ్రీనివాస్ చిట్టూరి నిర్మించిన ఈ సినిమాకు రికార్డ్ స్థాయిలో బిజినెస్ జరుగుతోంది.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
