టాలీవుడ్ లో పెళ్లిసందడి మొదలైంది. యంగ్ హీరోలు వరుసగా పెళ్లిళ్లు చేసుకుంటున్నారు. హీరో నిఖిల్ రెండు నెలల క్రితం గర్ల్ ఫ్రెండ్ అయిన డాక్టర్ పల్లవిని వివాహం చేసుకున్నారు. ఇక గత నెలలో మరో యంగ్ హీరో నితిన్ పెళ్లి చేసుకోవడం జరిగింది. పరిమిత బంధుమిత్రుల సమక్షంలో నితిన్ షాలిని మెడలో తాళి కట్టాడు. ఇక టాలీవుడ్ హల్క్ రానా దగ్గుబాటి ఈ నెల 8న తన ప్రేయసి మిహికా బజాజ్ ని వివాహం చేసుకోనున్నారు.
ఓ పక్క యంగ్ హీరోలు బ్యాచ్ లర్ లైఫ్ కి టాటా చెబుతున్న వేళ యంగ్ డైరెక్టర్ సుజిత్ వివాహం చేసుకున్నారు. డైరెక్టర్ సుజీత్ తన ప్రియురాలు ప్రవల్లికను నేడు వివాహం చేసుకున్నారు. వీరి పెళ్లి కేవలం కుటుంబ సభ్యుల సమక్షంలో నిరాడంబరంగా జరిగింది. కోవిడ్ ఆంక్షల నేపథ్యంలో పెళ్ళికి చాలా కొద్దిమంది హాజరైనట్లు సమాచారం ఉంది.
కొంత కాలంగా సుజీత్, ప్రవల్లిక ప్రేమలో ఉన్నారు. వీరి పెళ్ళికి ఇరు కుటుంబాల పెద్దలు అంగీకరించడంతో కొద్దిరోజుల క్రితం నిశ్చితార్థం జరిపారు. నేడు వీరి వివాహం జరిగింది. సుజీత్ ప్రస్తుతం మెగాస్టార్ చిరంజీవి కొరకు లూసిఫర్ స్క్రిప్ట్ పై పని చేస్తున్నారు. మలయాళ సూపర్ హిట్ లూసిఫర్ ని తెలుగులో రిమేక్ చేస్తుండగా, ఆ మూవీ దర్శకత్వ బాధ్యతలు చిరంజీవి సుజీత్ కి అప్పగించారు. వచ్చే ఏడాది ఈ మూవీ సెట్స్ పైకి వెళ్లనుంది.
1
2
Most Recommended Video
పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?
