మన దేశంలో సోషల్‌ మీడియా చాలా రోజుల నుండి ఉంది. అందులో షార్ట్‌ వీడియోల వినియోగం కూడా ఎప్పటి నుండో ఉంది. అయితే కరోనా – లాక్‌డౌన్‌ పరిస్థితులు వచ్చాక వాటి వినియోగం ఎక్కువైపోయింది. వీడియోలు చూసేవాళ్లు, చేసేవాల్లు ఎక్కువైపోయారు. దీంతో సోషల్‌ మీడియాలో చాలామంది స్టార్లు అయిపోయారు. సోషల్‌ మీడియా ఇన్‌ఫ్లూయెన్సర్లు, సెలబ్రిటీల పేరుతో చాలామంది ఫేమస్‌ అయిపోయారు. కొందరైతే సినిమా అవకాశాలు కూడా సంపాదించారు. అలాంటివారిలో ‘ఏజెంట్‌’ హీరోయిన్ సాక్షి వైద్య ఒకరు. అవును ఈ విషయం ఆమెనే చెప్పింది.
ముంబయిలోని థానేకి చెందిన (Sakshi Vaidya) సాక్షి వైద్య ఫిజియోథెరపిస్ట్‌. అయితే కొవిడ్‌ సమయంలో కాలేజీ లేకపోవడంతో ఖాళీగా ఉండటం ఇష్టం లేక తన ప్రతిభను చూపించడానికి సోషల్‌ మీడియాలో షార్ట్‌ వీడియోస్‌ చేసింది. అందులో కొన్ని వీడియోలు వైరల్‌ కావడంతో ఫేమస్‌ అయిపోయింది. సరిగ్గా అదే సమయంలో ఆమె మిత్రులు కొందరు సినిమా ఆడిషన్లకు వెళ్లమని సలహా ఇచ్చారట. అలా ముంబయిలో కొన్ని సినిమాలకు ఆడిషన్స్‌ ఇచ్చిందట. అవకాశాలు కూడా వచ్చాయి. అయితే ఆమెకు ఆ సినిమాలు నచ్చక వద్దనుకుందట.
ఆ సమయంలో ఓ ప్రొడక్షన్‌ మేనేజర్‌ ఫోన్‌ చేసి ‘ఏజెంట్‌’ సినిమా గురించి చెప్పారట. ఆ ప్రపోజల్‌ను సాక్షి తొలుత నమ్మలేదట. ఇదేదో స్కామ్‌ అనుకుందట. కానీ, ఆ తర్వాత ముంబయిలోని ముఖేష్‌ అనే కాస్ట్యూమ్‌ డైరెక్టర్‌ ఆమెను కలిసినప్పుడు.. ఆ సినిమా నిర్మాణ సంస్థ చాలా పెద్దదని… దర్శకుడు, హీరో స్టార్లు అని చెప్పారట. దీంతో హైదరాబాద్‌కు వచ్చి ‘ఏజెంట్‌’ సినిమా ఆడిషన్స్‌ ఇచ్చిందట. ఆ ఆడిషన్‌ సురేందర్‌ రెడ్డికి నచ్చడంతో సినిమాలో భాగమైందట.
‘ఏజెంట్‌’ సినిమా ఈ రోజు విడుదలైంది. ఇక ఆమె వరుణ్‌తేజ్‌తో కలిసి ‘గాండీవధారి అర్జున’ అనే సినిమాలో నటిస్తోంది. మరో సినిమా చర్చల దశలో ఉందట. త్వరలో అనౌన్స్‌ చేస్తా అని చెబుతోంది. అది కూడా యంగ్‌ స్టార్‌ హీరోతోనే అని సమాచారం.
విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?
శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?
