పవర్ స్టార్ పవన్ కళ్యాణ్ ప్రస్తుతం వరుస సినిమాలలో నటిస్తున్న సంగతి మనకు తెలిసిందే. ఈయన నటిస్తున్నటువంటి సినిమాలలో ఓజి ఒకటి. ఈ సినిమా ప్రముఖ డైరెక్టర్ సుజీత్ దర్శకత్వంలో ప్రేక్షకుల ముందుకు రావడానికి సిద్ధమవుతుంది. అయితే ఇప్పటివరకు సుమారు 50% షూటింగ్ పనులు జరుపుకున్నటువంటి ఈ సినిమా ప్రస్తుతం షూటింగ్ ఆపివేశారు. పవన్ కళ్యాణ్ అందుబాటులో లేకుండా ఉండటం వల్ల ఈ సినిమా షూటింగ్ ఆగిపోయింది అని తెలుస్తుంది.
ప్రస్తుతం పవన్ కళ్యాణ్ ఆంధ్రప్రదేశ్ రాష్ట్ర రాజకీయాలలో ఎంతో బిజీగా ఉన్నారు. మరికొన్ని నెలలలో ఏపీలో ఎన్నికలు జరగబోతున్నటువంటి నేపథ్యంలో ఈయన ఎన్నికల హడావిడిలో ఉండగా ఈయన కమిట్ అయినటువంటి సినిమా షూటింగులు కూడా ఆగిపోయాయి. ఇక ఈ సినిమాలన్నీ కూడా ఎన్నికల తర్వాతే షూటింగ్ పూర్తి చేసుకోబోతున్నాయి. ఇకపోతే ఈ సినిమాలో సలార్ బ్యూటీ శ్రియ రెడ్డి కూడా నటిస్తున్నారు. ఈ సినిమా గురించి శ్రీయ రెడ్డి టీవీలో ఒక ఇంటర్వ్యూలో పాల్గొంటు చేసినటువంటి కామెంట్స్ వైరల్ అవుతున్నాయి.
తాను ఓ జి సినిమాలో ఒక గొప్ప పాత్రలో నటిస్తున్నానని ఈ పాత్ర చేసి ఇక నేను రిటైర్డ్ అయిన నాకు ఎలాంటి ఫీలింగ్స్ ఉండవని అంతలా నా పాత్ర ఉండబోతుందని తెలిపారు. ఇక ఈ సినిమా చాలా అద్భుతంగా ఉంటుందని ఎప్పుడెప్పుడు ఈ సినిమా చూడాలన్న ఆతృత నాలో ఉంది అంటూ ఈమె తెలిపారు.
ఇక ఈ సినిమా సలార్ లాంటి సినిమాకి పది రెట్లు ఎక్కువగానే ఉంటుంది అంటూ ఈ సందర్భంగా శ్రియ రెడ్డి చేసినటువంటి కామెంట్స్ సోషల్ మీడియాలో సంచలనంగా మారాయి. ఈమె ఓ జి సినిమా గురించి చెప్పే ఈ వ్యాఖ్యలు కనుక చూస్తే ఇప్పుడే సినిమా చూసేయాలి అన్న ఆతృత అందరిలోనూ కలుగుతుంది అంతలా ఈమె తన మాటల ద్వారా పవన్ కళ్యాణ్ సినిమాపై అంచనాలను పెంచేశారు.
డెవిల్ సినిమా రివ్యూ & రేటింగ్!
బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!
