సౌత్ ఇండస్ట్రీలో ఏదైనా సినిమా హిట్ అయిందంటే చాలు.. వెంటనే సల్మాన్ ఖాన్ దృష్టి ఆ సినిమాపై పడుతుంది. ఆ సినిమా రీమేక్ రైట్స్ కొనేస్తాడు. అలా సౌత్ లో సూపర్ హిట్ అయిన ‘వీరమ్’ సినిమాను సల్మాన్ ఖాన్ బాలీవుడ్ లో రీమేక్ చేయాలనుకున్నారు. కానీ ఇప్పుడు ఆ ఆలోచన విరమించుకున్నట్లు తెలుస్తోంది. 2014లో విడుదలైన ‘వీరమ్’ సినిమా కోలీవుడ్ బాక్సాఫీస్ ను షేక్ చేసింది. తమిళ స్టార్ హీరో అజిత్ ను ఊరమస్ లుక్ లో చూసిన కోలీవుడ్ ప్రేక్షకులు సినిమాను సూపర్ హిట్ చేశారు.
రూ.80 కోట్లకు పైగా వసూళ్లను అందించారు. ఇదే సినిమాను తెలుగులో ‘కాటమరాయుడు’ పేరుతో రీమేక్ చేశారు. హిందీలో సల్మాన్ ఖా ‘కభీ ఈద్ కభీ దీవాలి’ పేరుతో రీమేక్ చేయాలనుకున్నాడు. పూజాహెగ్డే హీరోయిన్ గా నటించాల్సి వుంది. కానీ ఇప్పుడు ఈ రీమేక్ ఆగిపోయిందని బాలీవుడ్ లో జోరుగా ప్రచారం జరుగుతోంది. ఈ ఏడాది ఈద్ కానుకగా సల్మాన్ ఖాన్ ఓటీటీలో ‘రాధే’ సినిమాను రిలీజ్ చేశారు. ఈ సినిమా అనుకున్నంతగా అలరించలేకపోయింది.
దాంతో సల్మాన్ తాను చేస్తోన్న సినిమాలపై దృష్టి పెట్టాడు. అందులో భాగంగా ‘అంతిమ్’, టైగర్ 3′ వంటి సినిమాలు తప్పితే మిగిలిన సినిమాలన్నింటినీ హోల్డ్ లో పెట్టేశాడట. ‘కాటమరాయుడు’ హిందీ రీమేక్ ను క్యాన్సిల్ చేశాడట. ప్రస్తుతం సల్మాన్ చేయాల్సిన ప్రాజెక్ట్స్ లో మాస్టర్ రీమేక్, దబాంగ్ 4, కిక్ 2, చిత్రాలు ఉన్నాయి. మరి ఈ సినిమాను ఏం చేస్తాడో చూడాలి!
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
