ఈ ఏడాది టాలీవుడ్ లోని ముగ్గురు స్టార్ బ్యాచ్ లర్స్ పెళ్లిపీటలెక్కారు. యంగ్ హీరోలు నిఖిల్, నితిన్ మరియు రానా తాము ప్రేమించిన అమ్మాయిలను పెళ్లిచేసుకోవడం జరిగింది. కాగా అక్కినేని వారసుడు అఖిల్ కూడా త్వరలో పెళ్లి కొడుకు కాబోతున్నట్లు వార్తలు వస్తున్నాయి. ఓ వ్యాపార వేత్త కూతురితో అఖిల్ పెళ్లి జరగనుందని టాలీవుడ్ లో గుసగుసలు మొదలయ్యాయి. మరో ఆసక్తికర విషయం ఏమిటంటే ఈ పెళ్ళికి కర్త కర్మ క్రియ మొత్తం అఖిల్ వదిన సమంతనే అట.
ప్రస్తుతం సమంత ఇరు కుటుంబాల పెద్దలను ఒప్పించే పనిలో ఉన్నారట. అన్నీ కుదిరితే అధికారిక ప్రకటన త్వరలోనే రానుందని సమాచారం. లక్కీ లేడీ సమంత రంగంలోకి దిగిందంటే జరగని పని ఉండదు కాబట్టి, అఖిల్ పెళ్లి ఇక లాంఛనమే అని అంటున్నారు. నిజానికి అఖిల్ పెళ్లి మూడేళ్ళ క్రితమే జరగాల్సింది. అఖిల్ 2017లో జివికె గ్రూప్స్ వారసురాలు శ్రేయా భూపాలంతో ఎంగేజ్మెంట్ జరుపుకున్నారు. ఈ ప్రేమ జంట పెళ్లితో ఒకటి అవ్వాల్సి ఉండగా ఇద్దరి మధ్య పెద్ద వివాదం చెలరేగింది. పెద్దలు ఎంతగా కన్విన్స్ చేసినా వీరు వినని నేపధ్యంలో పెళ్లిని క్యాన్సిల్ చేశారు.
అది జరిగిన ఇన్నేళ్లకు అఖిల్ పెళ్లిపై వార్తలు వస్తున్నాయి. ప్రస్తుతం అఖిల్ మోస్ట్ ఎలిజిబుల్ బ్యాచ్ లర్ మూవీలో నటిస్తున్నారు. బొమ్మరిల్లు భాస్కర్ దర్శకత్వంలో తెరకెక్కుతున్న ఈ చిత్రంలో హీరోయిన్ గా పూజా హెగ్డే నటిస్తుంది. ఇక హీరోగా మూడు సినిమాలు చేసిన అఖిల్ సరైన హిట్ అందుకోలేదు. దీనితో ఈ చిత్రంపై బోలెడు ఆశలు పెట్టుకున్నాడు.
Most Recommended Video
బిగ్‌బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
