అక్కినేని నాగచైతన్యతో విడాకుల తరువాత సమంత కెరీర్ పరంగా చాలా దూకుడుగా వ్యవహరిస్తోంది. సోషల్ మీడియాలో కూడా చాలా యాక్టివ్ గా ఉంటుంది. తన పర్సనల్ విషయాలతో పాటు వివిధ అంశాలపై స్వేచ్ఛగా పోస్ట్ లు పెడుతుంది. తాజాగా ఈ బ్యూటీ తెలంగాణ మంత్రి కేటీఆర్ పై చేసిన ఓ పోస్ట్ సోషల్ మీడియాలో వైరల్ అవుతోంది. ఆపదలో ఉన్న పిల్లలను ఆదుకోవడానికి మంత్రి సత్యవతి రాథోడ్ ఇటీవల బాల రక్షక్ వాహనాలను ప్రారంభించిన సంగతి తెలిసిందే.
జిల్లాకి ఒక వాహనం చొప్పున 33 బాల రక్షక్ వాహనాలను నిన్న మొదలుపెట్టారు. 1098కి డయల్ చేస్తే వెంటనే ఆదుకునేలా ఏర్పాట్లు చేశారు. సత్యవతి నిర్ణయాన్ని ప్రశంసిస్తూ.. మంత్రి కేటీఆర్ సోషల్ మీడియాలో ఓ పోస్ట్ పెట్టారు. మంత్రి సత్యవతి గొప్ప నిర్ణయం తీసుకుందని కొనియాడారు. మంత్రి కేటీఆర్ చేసిన ఈ పోస్ట్ ను సమంత తన ఇన్స్టాగ్రామ్ స్టోరీలో పెట్టి.. చప్పట్లు కొడుతున్న ఎమోజీను షేర్ చేసింది. కేటీఆర్ పోస్ట్ పై సమంత రియాక్షన్ ఇప్పుడు సోషల్ మీడియాలో వైరల్ అవుతోంది.
ఇక సినిమాల విషయానికొస్తే.. ప్రస్తుతం సమంత తమిళంలో విజయ్ సేతుపతి సరసన ఓ సినిమాలో నటిస్తోంది. అలానే డ్రీమ్‌ వారియర్‌ పిక్చర్స్‌ బ్యానర్ లో ఓ సినిమా .. శ్రీదేవి మూవీస్ బ్యానర్ లో ఓ సినిమా ఒప్పుకుంది. వీటితో పాటు ‘పుష్ప’ సినిమాలో ఐటెం సాంగ్ లో కనిపించనుంది.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
