అర్జున్ రెడ్డి సినిమాతో ఒక్కసారిగా స్టార్ డైరెక్టర్ గా పేరు సంపాదించుకున్నటువంటి సందీప్ రెడ్డివంగా అనంతరం ఈ సినిమాని హిందీలో రీమేక్ చేస్తూ అక్కడ కూడా బ్లాక్ బస్టర్ అందుకున్నారు. ఇలా హిందీలో కూడా బ్లాక్ బస్టర్ అందుకోవడంతో ఈయన అక్కడి డైరెక్టర్గా సెటిల్ అయిపోయారు. ఈ క్రమంలోనే రణబీర్ కపూర్ రష్మిక హీరో హీరోయిన్లుగా యానిమల్ అనే యాక్షన్ సినిమా ద్వారా ఈయన ప్రేక్షకుల ముందుకు రావడానికి సిద్ధమయ్యారు.
ఈ సినిమా (Animal) పాన్ ఇండియా స్థాయిలో ప్రేక్షకుల ముందుకు రాబోతున్న నేపథ్యంలో సినిమాపై భారీ అంచనాలు ఏర్పడ్డాయి. తాజాగా ఈ సినిమా నుంచి ప్రీ టీజర్ విడుదల చేయగా భారీగా స్పందన లభించింది. ఇకపోతే ఈ సినిమాని ఆగస్టు 11వ తేదీ విడుదల చేయడానికి సిద్ధమయ్యారు. అయితే ప్రస్తుతం ఈ సినిమా విడుదల తేదీని వాయిదా వేశారు. అయితే ఈ సినిమా విడుదల వాయిదా పడడానికి గల కారణాన్ని డైరెక్టర్ వెల్లడించారు.
ఈ సందర్భంగా సందీప్ రెడ్డి ఒక వీడియో ద్వారా యానిమల్ సినిమా విడుదల వాయిదా పడటానికి గల కారణం తెలియజేశారు. ఈ సినిమా పాన్ ఇండియా స్థాయిలో ఐదు భాషలలో ప్రేక్షకుల ముందుకు రాబోతుంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఇందులో ఏడు పాటలు ఉన్నాయి ఏడు పాటలు ఐదు భాషలలో వర్క్ చేయడానికి కాస్త సమయం పడుతుంది అందుకే ఈ సినిమా విడుదలను వాయిదా వేసామని తెలిపారు.
పోస్ట్ ప్రొడక్షన్ పనులకు సమయం తక్కువగా ఉన్న నేపథ్యంలోనే ఈ సినిమాని తిరిగి వాయిదా వేశామని అయితే ఈ ఏడాది డిసెంబర్ ఒకటవ తేదీ ఈ సినిమా విడుదల కాబోతోంది అంటూ ఈ సందర్భంగా ఈయన చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి. బాలీవుడ్ ప్రేక్షకులు కూడా భారీ అంచనాలే పెట్టుకున్నారు.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
