మహేష్ బాబు హీరోగా పరశురామ్ డైరెక్షన్ లో మైత్రీ మూవీ మేకర్స్ బ్యానర్ పై తెరకెక్కిన సర్కారు వారి పాట సినిమా ఈ ఏడాది మే నెల 12వ తేదీన థియేటర్లలో విడుదలై హిట్ గా నిలిచింది. సినిమా కమర్షియల్ గా సక్సెస్ సాధించినా సినిమాలో ఏదో మిస్సైందని చాలామంది అభిప్రాయం వ్యక్తం చేశారు. తాజాగా ఈ సినిమా బుల్లితెరపై ప్రసారం కాగా ఈ సినిమా టీఆర్పీ రేటింగ్ గురించి తెలిసి షాకవ్వడం నెటిజన్ల వంతవుతోంది.
సర్కారు వారి పాట సినిమా టీఆర్పీ రేటింగ్ కేవలం 7.45 కావడంతో ఫ్యాన్స్ తెగ ఫీలవుతున్నారు. ఈ సినిమా కంటే డబ్బింగ్ సినిమాలలో చాలా సినిమాలు బెటర్ రేటింగ్ ను సొంతం చేసుకున్నాయి. సాధారణంగా మహేష్ బాబు సినిమాలు బుల్లితెరపై మంచి రేటింగ్ ను సొంతం చేసుకోవడం జరుగుతుంది. తొలిసారి ప్రసారమైన సమయంలోనే సర్కారు వారి పాట సినిమా ఇంత తక్కువ రేటింగ్ ను సొంతం చేసుకోవడం గమనార్హం. అయితే సర్కారు వారి పాట మూవీ చాలా రోజుల క్రితమే అమెజాన్ ప్రైమ్ లో అందుబాటులోకి వచ్చింది.
ఈ సినిమాపై ఆసక్తి ఉన్న ప్రేక్షకులు ఇప్పటికే ఈ సినిమాను చూసేశారు. ఆ రీజన్ వల్లే ఈ సినిమాకు రేటింగ్ తగ్గిందని మహేష్ ఫ్యాన్స్ భావిస్తున్నారు. సర్కారు వారి పాట సినిమా రెండోసారి ప్రసారమైన సమయంలో అయినా మంచి రేటింగ్ ను సొంతం చేసుకోవాలని ఫ్యాన్స్ భావిస్తున్నారు. సర్కారు వారి పాట సినిమా తర్వాత మహేష్ బాబు త్రివిక్రమ్ శ్రీనివాస్ డైరెక్షన్ లో ఒక సినిమాలో నటిస్తున్నారు.
ఈ సినిమాకు అయోధ్యలో అర్జునుడు టైటిల్ తో పాటు మరికొన్ని టైటిల్స్ ను పరిశీలిస్తున్నారని సమాచారం అందుతోంది. మహేష్ బాబు తర్వాత సినిమాలు సైతం భారీ బడ్జెట్ తో తెరకెక్కుతున్నాయనే సంగతి తెలిసిందే. త్రివిక్రమ్ మూవీ తర్వాత మహేష్ బాబు రాజమౌళి డైరెక్షన్ లో నటిస్తున్నారు.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
