ఓవర్‌నైట్‌ స్టార్‌ డమ్‌ అనే మాట మనం ఇప్పుడు వింటున్నాం కానీ… చాలా ఏళ్ల క్రితమే ఈ విషయాన్ని చూపించిన కథానాయిక ముచ్చర్ల అరుణ. ‘సీతాకోక చిలుక’ సినిమాతో రాత్రికి రాత్రే స్టార్‌ హీరోయిన్‌ అయిపోయింది. అయితే ఎంత వేగంగా స్టార్‌ హీరోయిన్‌ గుర్తింపు పొందిన అరుణ ఆ తర్వాత అదే జోరులో ఇండస్ట్రీకి దూరమైపోయింది. అయితే ఇప్పుడు అరుణ ఏం చేస్తుంది, ఎక్కడుందో తెలుసా? భారతీరాజా సినిమాలో హీరోయిన్‌ అంటే ఎలా ఉంటుందో అందరికీ తెలుసు.
అచ్చ తెలుగు అమ్మాయిని అంతే అందంగా చూపించాలంటే ఆయనే అని అంటారు. అలాంటి దర్శకుడి నుండి ఓ హీరోయిన్‌ వస్తోందంటే అందరికీ ఆసక్తి ఉంటుంది. ‘సీతాకోక చిలుక’ సినిమా హీరోయిన్‌గా అరుణ అనేసరికి… అందరి కళ్లు సినిమా మీదే. ఇప్పటిలా సోషల్ మీడియా, డిజిటల్‌ మీడియా లేకపోవడంతో.. సినిమాలోనే అరుణను చూసి మురిసిపోయారు. 1981లో భారతీరాజా తెరకెక్కించిన ‘సీతాకోకచిలుక’ అప్పట్లో ఓ సంచలనం అని చెప్పొచ్చు. ఆ సినిమాలోని పాటలు, అందులో అరుణ క్లోజప్‌ షాట్‌లు, ముఖ కవళికలు, అమాయకత్వం ఇలా అన్నీ అదిరిపోయాయి.
ఆ సీన్స్‌ ఇప్పటికీ ఎవర్‌గ్రీన్‌ అని చెప్పొచ్చు. ఆ రోజుల్లో ఈ సినిమా బ్లాక్‌ బస్టర్‌ హిట్ అవడంతో అరుణకు ఓవర్‌నైట్‌ స్టార్‌డమ్‌ సాధించింది. అరుణ.. ఆ తర్వాత వరుస సినిమాల్లో నటిస్తూ, కుర్రకారు గుండెల్లో చెరగని ముద్ర వేసింది. ‘చంటబ్బాయి’, ‘స్వర్ణకమలం’, ‘సంసారం ఒక చదరంగం’, ‘అత్తకు యముడు అమ్మాయికి మొగుడు’ వంటి సూపర్‌ హిట్ సినిమాల్లో నటించి మెప్పించింది. అలా అరుణ కేవలం 10 ఏళ్లనే 70కి పైగా సినిమాల్లో నటించింది అరుణ.
అలా హీరోయిన్‌గా దూసుకుపోతున్న సమయంలోనే పెళ్లి చేసేసుకుంది అరుణ. బిజినెస్‌ మ్యాన్‌ మోహన్‌ గుప్తాను పెళ్లి చేసుకొని సినిమాలకు దూరమైంది. వీరికి నలుగురు సంతానం ఉన్నారు. ప్రస్తుతం అమెరికాలో సెటిల్‌ అయిన ముచ్చర్ల అరుణ రీసెంట్‌గానే ఇన్‌స్టాగ్రామ్‌లో అకౌంట్‌ ఓపెన్‌ చేసింది. ఇన్‌స్టా ఖాతాలో వంటలు, హెల్తీ లైఫ్‌, వర్క్‌వుట్స్‌ లాంటి ఆసక్తికరమైన విషయాలను పంచుకుంటోంది. ప్రస్తుతం ఆమె ఇన్‌స్టా ఖాతాకు లక్షా 70వేలకు పైగా ఫాలోవర్స్‌ ఉన్నారు.
1
2
3
4
5
6
7
8
9
10
11
12
13
14
15
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
