బాలీవుడ్ బ్యూటీ శిల్పాశెట్టి భర్త, వ్యాపారవేత్త రాజ్ కుంద్రా పోర్నోగ్రఫీ కేసులో అరెస్ట్ అయిన సంగతి తెలిసిందే. ప్రస్తుతం జైల్లో ఉన్న తన భర్త రాజ్ కుంద్రా గతంలో ఏం చేసేవాడో తనకు తెలియదని చెబుతోంది శిల్పాశెట్టి. తను నిత్యం షూటింగ్స్ తో బిజీగా ఉండేదాన్ని అని.. రాజ్ కుంద్రా ఆ సమయంలో ఏం చేసేవాడో పెద్దగా పట్టించుకోలేదని శిల్పా చెప్పుకొచ్చింది. పోలీసులు నమోదు చేసిన ఛార్జ్ షీట్ లో శిల్పాశెట్టి ఈ విషయాలను వెల్లడించింది.
కుంద్రాకు లింక్ పెట్టి చెబుతున్న హాట్ షాట్స్, బాలీఫేమ్ లాంటి యాప్స్ గురించి తనకు అసలు తెలియదని చెప్పుకొచ్చింది. రాజ్ కుంద్రాపై దాఖలు చేసిన 1400 పేజీల ఛార్జ్ షీట్ లో శిల్పాశెట్టి ఇలా స్పందించింది. అయితే ఇదే విషయాన్ని మీడియా ముందు చెప్పడానికి ఆమె అంగీకరించలేదు. శిల్పాశెట్టి సమాధానంపై సోషల్ మీడియాలో ట్రోల్స్ చేస్తున్నారు. భర్తతో ఉంటూనే ఆయన ఏం చేసేవాడో తెలియదా అంటూ కౌంటర్లు వేస్తున్నారు.
మరోపక్క పోర్న్ వీడియోలను చిత్రీకరించడానికి ముంబై శివార్లలో ఉన్న వియాన్ ఇండస్ట్రీస్ పరిసర ప్రాంతాలను రాజ్ కుంద్రా ఉపయోగించుకున్నట్లు ఛార్జ్ షీట్ లో పోలీసులు పేర్కొన్నారు. జూలై 19 నుంచి రాజ్ కుంద్రా జైలులోనే ఉంటున్నాడు. అతడు పెట్టుకున్న బెయిల్ పిటిషన్ ఇప్పటికే రెండు సార్లు రిజెక్ట్ అయింది. తాజాగా మరోసారి బెయిల్ కు పిటిషన్ పెట్టుకున్నాడు. అది కూడా పెండింగ్ లోనే ఉంది.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
