టాలీవుడ్ స్టార్ డైరెక్టర్ రాజమౌళి, స్టార్ హీరో రామ్ చరణ్ కాంబినేషన్ లో తెరకెక్కి 2009 సంవత్సరంలో విడుదలైన మగధీర సినిమా బ్లాక్ బస్టర్ హిట్ గా నిలిచిన సంగతి తెలిసిందే. ఆ తరువాత మళ్లీ అదే కాంబినేషన్ లో ఆర్ఆర్ఆర్ సినిమా తెరకెక్కుతోంది. మగధీర సినిమాలో రామ్ చరణ్ మాత్రమే హీరో కాగా ఆర్ఆర్ఆర్ సినిమాలో రామ్ చరణ్ తో పాటు తారక్ కూడా నటిస్తున్నారు. భారీగా అంచనాలు నెలకొన్న ఈ సినిమా రిలీజ్ కోసం ప్రేక్షకులు ఆసక్తిగా ఎదురు చూస్తున్నారు.
అయితే ఆర్ఆర్ఆర్ సినిమా గురించి ఆసక్తికర గాసిప్ ఒకటి సోషల్ మీడియాలో తెగ వైరల్ అవుతోంది. వైరల్ అవుతున్న గాసిప్ ప్రకారం సినిమాలో రామ్ చరణ్ కు యాక్షన్ సన్నివేశాలు ఎక్కువగా ఉంటాయని అభినయానికి ఆస్కారం ఉన్న సన్నివేశాలు తారక్ కు ఎక్కువగా ఉంటాయని తెలుస్తోంది. ఈ గాసిప్ నిజమైతే మాత్రం రాజమౌళి రామ్ చరణ్ కు అన్యాయం చేసినట్లే అవుతుందని నెటిజన్లు కామెంట్లు చేస్తున్నారు. మగధీర సినిమాతోనే రామ్ చరణ్ యాక్షన్ సన్నివేశాల్లో అద్భుతంగా నటించగలనని ప్రూవ్ చేసుకున్న సంగతి తెలిసిందే. రామ్ చరణ్ ఈ సినిమాలో అల్లూరి సీతారాజు పాత్రలో నటిస్తుండగా జూనియర్ ఎన్టీఅర్ కొమరం భీమ్ పాత్రలో నటిస్తున్నారు.
సినిమాలో రామ్ చరణ్ పాత్రకు రెండు వేరియేషన్స్ ఉంటాయని, ఎన్టీఆర్ పాత్రకు మాత్రం నాలుగు వేరియేషన్స్ ఉంటాయని తెలుస్తోంది. ఈ సినిమా ప్రమోషన్స్ విషయంలో కూడా రాజమౌళి అన్ని జాగ్రత్తలు తీసుకుంటున్నారని సినిమా విడుదలకు నెల రోజుల ముందు ట్రైలర్ విడుదల చేయాలని రాజమౌళి ప్లాన్ చేశారని సమాచారం. ఈ సినిమా రిలీజ్ డేట్ మారనుందని సోషల్ మీడియా, వెబ్ మీడియాలో గాసిప్స్ వైరల్ అవుతున్నా సినిమా అక్టోబర్ 13వ తేదీనే విడుదలయ్యే అవకాశాలు ఉన్నాయని సమాచారం.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
