సినిమా పోస్టర్‌ చూసి కథలు చెప్పేసే రోజులు గతంలో ఉండేవి. సినిమా పేరు, పోస్టర్‌, లుక్‌ను ఆధారంగా చేసుకొని కథలు అల్లేసేవారు నాటి ప్రేక్షకులు. ఆ తర్వాత రోజుల్లో చిత్రబృందాలు ఇంకాస్త కొత్తగా ట్రై చేయడం మొదలుపెట్టాయి. సినిమా పోస్టర్‌, టీజర్‌ చూసి కథను, సినిమాను చెప్పే పరిస్థితి కనిపించడం లేదు. అలాంటి ప్రయత్నమే సుమంత్ కొత్త సినిమా విషయంలో జరిగింది అని అంటున్నాయి టాలీవుడ్‌ వర్గాలు. ఇటీవల సుమంత్ పుట్టిన రోజు సందర్బంగా తన ‘అనగనగా ఒక రౌడీ’ సినిమా ఫస్ట్ లుక్‌ను విడుదల చేశారు. ఆ సినిమా గురించే ఈ ఉపోద్ఘాతం అంతా. ఇంతకీ విషయం ఏంటంటే?
‘అనగనగా ఒక రౌడీ’ సినిమాలో వాల్తేరు శ్రీను పాత్రలో సుమంత్ నటిస్తున్నాడు. పోస్టర్‌ ప్రకారం చూస్తే… ఈ సినిమాలో సుమంత్ పాత్ర చాలా సీరియస్‌గా ఉండబోతోంది. పూర్తి మాస్‌ లుక్‌తో వావ్‌ అనిపించాడు సుమంత్. పక్కన ఉన్న నటులు కూడా అంతే సీరియస్‌గా కనిపిస్తున్నారు. దీంతో ఇదేదో సీరియస్ డ్రామా క్రైమ్ స్టోరీ యాక్షన్‌ సినిమా అనుకున్నారు. అయితే ఇండస్ట్రీ వర్గాల సమాచారం ప్రకారం చూస్తే… ఇది కామెడీ ఎంటర్‌ టైనర్‌ అని తెలుస్తోంది.
మూడేళ్ల క్రితం మలయాళంలో వచ్చిన హిట్‌ కామెడీ సినిమాకు ఇది రీమేక్ అని తెలుస్తోంది. ఈ సినిమాలో సుమంత్ తో పాటు ధన్‌రాజ్‌ , రఘు మరియు మధునందన్ నటిస్తున్నారు. వీరి మధ్య నడిచే కామెడీ సీన్‌లు సినిమాకు చాలా ప్లస్‌ అవుతాయని అంటున్నారు. ఈ ఏడాది సెకండాఫ్‌లో ఈ సినిమా ప్రేక్షకుల ముందుకు వచ్చే అవకాశం ఉంది.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
