బాలీవుడ్ స్టార్ హీరోయిన్ కంగనా రనౌత్ కు ఫ్యాన్ ఫాలోయింగ్ ఎంత ఉందో… విమర్శించే వాళ్ళ సంఖ్య కూడా అంతే ఉంది. దానికి ముఖ్య కారణం ఆమె మాటతీరు అనే చెప్పాలి. ఏ విషయం గురించి అయినా సరే ఉన్నది ఉన్నట్టు మొహమాటం లేకుండా మాట్లాడేస్తూ ఉంటుంది కంగనా. ఈ క్రమంలో చాలా మంది స్టార్ల పై కూడా ఆమె దుమ్మెత్తి పోస్తూ ఉంటుంది.గతంలో కంగనా పై ట్రోలింగ్ నార్త్ వరకే ఉండేది. కానీ తర్వాత అది బౌండరీలు దాటడం కూడా మనం చూస్తూనే వస్తున్నాం.
ఇక ఇప్పుడు బాలయ్య ఫ్యాన్స్ కు చిక్కింది కంగనా. అది కూడా ‘తలైవి’ మూవీ విషయంలో..! నిన్న అంటే సెప్టెంబర్ 10న వినాయక చవితి కానుకగా ‘తలైవి’ చిత్రం రిలీజ్ అయ్యింది. దివంగత స్టార్ హీరోయిన్ మరియు తమిళనాడు ముఖ్యమంత్రి జీవిత ఆధారంగా ‘తలైవి’ మూవీ రిలీజ్ అయ్యింది. మొదటి షోతోనే సూపర్ హిట్ టాక్ ను సొంతం చేసుకుంది. కానీ సినిమాకి వసూళ్ళు మాత్రం నమోదుకాలేదు.ఒక్క తమిళ్ లో మాత్రమే ఈ చిత్రం రూ.80 లక్షలు వసూల్ చేసింది.
హిందీ, తెలుగులో మాత్రం రూ.20 లక్షలే కావడం గమనార్హం. గతంలో ‘ఎన్టీఆర్ మహానాయకుడు’ సినిమా కలెక్షన్ల విషయంలో కంగనా నోరుపారేసుకుంది. అయితే అది దర్శకుడు క్రిష్ ను ఉద్దేశించి అయినప్పటికీ.. ‘బాలయ్య కెరీర్లో ఇవే డిజాస్టర్ ఓపెనింగ్స్’ అని ఆమె పలికిన డైలాగ్ ను ఇప్పుడు గుర్తుచేసుకుంటూ.. ఆమెను ఓ ఆట ఆడుకుంటున్నారు బాలయ్య అభిమానులు.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
