జనసేన అధినేత, పవర్ స్టార్ పవన్ కళ్యాణ్ రాజకీయాలతో బిజీ అవుతున్నా ఆయనకు ఉన్న క్రేజ్, పాపులారిటీ, ఫ్యాన్ ఫాలోయింగ్ ఏ మాత్రం తగ్గడం లేదు. ఓజీ గ్లింప్స్ ప్రస్తుతం రికార్డ్ స్థాయిలో వ్యూస్ సాధిస్తోంది. అయితే ఓజీ గ్లింప్స్ విడుదలైన తర్వాత ఓజీ మూవీ రెండుభాగాలుగా విడుదల కానుందంటూ ఒక వార్త సోషల్ మీడియా వేదికగా వైరల్ అవుతోంది. ఈ వార్తకు సంబంధించి అధికారికంగా క్లారిటీ రావాల్సి ఉంది.
వైరల్ అవుతున్న వార్త నిజమైతే మాత్రం పవన్ ఫ్యాన్స్ సంతోషానికి అవధులు ఉండవని చెప్పవచ్చు. ప్రియాంక అరుళ్ మోహన్ ఈ సినిమాలో పవన్ కు జోడీగా నటిస్తుండగా తెలుగులో స్టార్ హీరోయిన్ కావాలన్న ఆమె ఆశలను ఈ సినిమా నెరవేర్చే అవకాశాలు అయితే ఉన్నాయని అభిప్రాయాలు వ్యక్తమవుతున్నాయి. రెండు భాగాలుగా తెరకెక్కితే ఓజీ సెకండ్ పార్ట్ బాహుబలి2, కేజీఎఫ్2 స్థాయిలో సంచలనాలు సృష్టించే ఛాన్స్ అయితే ఉంది.
ఓజీ మూవీ (OG Movie) పాన్ ఇండియా మూవీగా మూడు భాషల్లో రిలీజ్ కానుంది. తెలుగు, తమిళంతో పాటు హిందీలో ఓజీ రిలీజ్ కానుంది. కర్ణాటకలో తెలుగు వెర్షన్ రిలీజ్ చేసినా ఎలాంటి సమస్య ఉండదు కాబట్టి కన్నడలో ఈ సినిమాను రిలీజ్ చేయడం లేదని తెలుస్తోంది. మలయాళంలో ఓజీ తమిళ వెర్షన్ రిలీజయ్యే అవకాశం అయితే ఉంటుందని అభిప్రాయాలు వ్యక్తమవుతూ ఉండటం గమనార్హం.
ఓజీ సినిమా అదే టైటిల్ తో థియేటర్లలో విడుదల కానుంది. పాన్ ఇండియా సినిమాకు ఓజీ టైటిల్ యాప్ట్ టైటిల్ అని నెటిజన్ల నుంచి అభిప్రాయాలు వ్యక్తమవుతున్నాయి. ఓజీ సినిమాలో యాక్షన్ సన్నివేశాలు అదుర్స్ అనేలా ఉంటాయని తెలుస్తోంది. ఈ సినిమాలో పవన్ ను ప్రేక్షకులు కొత్తగా చూడనున్నారని తెలుస్తోంది. ఓజీ సినిమా రిలీజ్ డేట్ కు సంబంధించి త్వరలో పూర్తిస్థాయిలో క్లారిటీ వచ్చే ఛాన్స్ అయితే ఉంది.
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!
బిగ్ బాస్ సీజన్ – 7 ఎలా ఉండబోతోందో తెలుసా?
