దర్శకధీరుడు ఎస్.ఎస్.రాజమౌళి తెరకెక్కిస్తోన్న ప్రతిష్టాత్మక చిత్రం ‘ఆర్ఆర్ఆర్’. రామ్ చరణ్, ఎన్టీఆర్ లు ప్రధాన పాత్రల్లో నటిస్తున్నారు. అల్లూరి సీతారామరాజు, కొమరం భీమ్ జీవితం కథలను ప్రధానంగా తీసుకొని ఫిక్షన్ జోడించి ఈ సినిమాను తెరకెక్కిస్తున్నారు. ఇందులో చరణ్.. అల్లూరిగా, ఎన్టీఆర్.. భీమ్ పాత్రల్లో కనిపించనున్నారు. ప్రస్తుతం ఈ సినిమా క్లైమాక్స్ షూటింగ్ జరుగుతోంది. ముందుగా ఈ సినిమాను గతేడాది జూలైలో విడుదల చేస్తామని చెప్పారు. కానీ అనుకున్న సమయానికి షూటింగ్ పూర్తికాకపోవడంతో ఈ ఏడాది దసరా కానుకగా అక్టోబర్ 12న విడుదల చేయడానికి ముహూర్తం ఫిక్స్ చేశారు.
ఇదిలా ఉండగా.. రాజమౌళి తన సినిమాలకు సంబంధించి ఎలాంటి విషయం బయటకి రాకుండా ఎన్నో జాగ్రత్తలు తీసుకుంటాడు. అయినప్పటికీ ఏదొకటి లీక్ అవుతూనే ఉంటున్నాయి. తాజాగా ‘ఆర్ఆర్ఆర్’ సినిమాకి సంబంధించిన ఓ ఫోటో లీకైంది. ఈ సినిమాలో చైల్డ్ ఆరిస్ట్ గా నటిస్తోన్న ధ్రువన్ అనే పిల్లాడు తన సోషల్ మీడియా అకౌంట్ లో అడవిలో ఉన్న ఫోటోను షేర్ చేస్తూ.. ‘ఆర్ఆర్ఆర్’ షూటింగ్ టైమ్ లో అని క్యాప్షన్ పెట్టాడు.
దీంతో ఈ గెటప్ చిన్నప్పటి రామ్ చరణ్ ది అయి ఉంటుందని కామెంట్స్ చేస్తున్నారు. అలానే కొమరం భీమ్ ది కూడా అయి ఉండే ఛాన్స్ ఉందని మరికొందరు అంటున్నారు. ఈ ఫోటో ఏ హీరో చైల్డ్ హుడ్ కి సంబంధించిందో కానీ ప్రస్తుతమైతే సోషల్ మీడియాలో తెగ వైరల్ అవుతోంది.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
