బాలీవుడ్ స్టార్స్ కియారా అద్వానీ – సిద్దార్థ్ మల్హోత్రా తమ ప్రేమకు ప్రమోషన్ ఇచ్చి.. పెళ్లి పీటల వరకు తీసుకెళ్లారు.. ఇరు కుటుంబాల అంగీకారంతో ఫిబ్రవరి 7న రాజస్థాన్‌ జైసల్మేర్‌లోని సూర్యఘర్‌ ప్యాలస్‌లో.. ఫ్యామిలీ మెంబర్స్, ఫ్రెండ్స్, రిలేటివ్స్ మరియు కొద్దిమంది సన్నిహితుల మధ్య వీరి మ్యారేజ్ గ్రాండ్‌గా జరిగింది.. అయితే అంతకుముందు 5, 6 తేదీల్లో ప్రీ వెడ్డింగ్‌ వేడుకలు జరిగాయి. హిందూ సంప్రదాయం ప్రకారం జరిగిన ఈ వేడుకల్లో వివిధ దేశాలకు చెందిన రుచికరమైన వంటకాలను వడ్డించారని సమాచారం.
ఫోటోలు, వీడియోలు తీయకుండా కియారా – సిద్ధార్థ్‌ ముందుగానే అందర్నీ రిక్వెస్ట్‌ చేసిన సంగతి తెలిసిందే. ఒకొక్కటిగా వారే పిక్స్, వీడియోస్ పోస్ట్ చేస్తున్నారు. గత కొద్ది రోజులుగా.. మీడియాతో పాటు సోషల్ మీడియాలోనూ ఈ జంట గురించే వార్తలు వస్తున్నాయి. పెళ్లి ఖర్చు నుండి ప్రతి ఫంక్షన్‌కి సంబంధించిన విశేషాలు బయటకి వస్తున్నాయి. రీసెంట్‌గా కియారాకు భర్త సిద్దార్థ్ ఇచ్చిన నల్ల పూసల కాస్ట్ గురించి ఓ ఇంట్రెస్టింగ్ న్యూస్ వైరల్ అవుతోంది..
ప్రేమతో కోట్లాది రూపాయలు విలువ చేసే బ్లాక్ బీడ్స్ చైన్ బహుమతిగా ఇచ్చి కియారాను సర్‌ప్రైజ్ చేశాడట సిద్దార్థ్.. గోల్డ్ చైన్‌కి మధ్యలో బ్లాక్ బీడ్స్.. అలాగే బిగ్ డైమండ్ పెండెంట్‌తో ఆకర్షణీయంగా రూపొందించారు. ఈ మంగళ సూత్రాన్ని సబ్యసాచి డిజైన్ చేశారట. దాని కాస్ట్ అక్షరాలా.. రూ. 2 కోట్లని తెలుస్తోంది. ఈ విషయం తెలిసిన నెటిజన్లు ఆశ్చర్యపోతున్నారు. కాగా.. కియారా తమ పెళ్లికి సంబంధించి ఓ బ్యూటిఫుల్ వీడియో పోస్ట్ చేసింది.
కొత్త కపుల్ ఇద్దరూ డ్యాన్స్ చేయడం దగ్గరి నుండి దండలు మార్చుకోవడం, ఆత్మీయంగా కౌగలించుకోవడంతో పాటు లవ్లీ లిప్ లాక్ వంటి మెమరబుల్ మూమెంట్స్ అన్నీ ఈ వీడియోలో ఉన్నాయి. కియారా షేర్ చేసిన వీడియో నెట్టింట వైరల్ అవుతోంది. మ్యారేజ్ తర్వాత రామ్ చరణ్ పక్కన నటిస్తున్న RC 15 షూటింగ్‌లో పాల్గొంటుంది కియారా..
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
