ప్రముఖ సింగర్ సిద్ శ్రీరామ్ కి ఉన్న ఫాలోయింగ్ గురించి ప్రత్యేకంగా చెప్పనక్కర్లేదు. ఆయన పాడిన పాటలన్నీ కూడా సూపర్ హిట్ అయ్యాయి. తన వైవిధ్యమైన గాత్రంతో తెలుగులో మంచి క్రేజ్ తెచ్చుకున్నాడు. ఈ మధ్యకాలంలో రిలీజ్ అవుతోన్న అన్ని చిత్రాల్లో సిద్ శ్రీరామ్ పాట కచ్చితంగా ఉంటోంది. అంతగా దర్శకనిర్మాతలు పట్టుబట్టి మరీ ఆయనతో పాడిస్తున్నారు. తమ సినిమాలో సిద్ శ్రీరామ్ పాట ఉంటే సినిమాకి బజ్ మరింత పెరుగుతుందని మేకర్లు నమ్ముతున్నారు.
దీంతో సిద్ వరుస అవకాశాలతో దూసుకుపోతున్నాడు. ఇదిలా ఉండగా.. తాజాగా ఈ సింగర్ కి అవమానం జరిగినట్లు సమాచారం. హైదరాబాద్ జూబ్లీహిల్స్ లోని ఓ పబ్ లో సిద్ శ్రీరామ్ ఓ షోలో పాల్గొనగా.. కొందరు ఆకతాయిలు ఆయనపై వాటర్ బాటిల్స్, మద్యం విసిరేసి అవమానించినట్లు తెలుస్తోంది. దీంతో ఆగ్రహించిన సిద్ శ్రీరామ్ ఆకతాయిలను బయటకి వెళ్లండంటూ వార్నింగ్ ఇచ్చినట్లు తెలుస్తోంది. ఓ గాయకుడిని ఇలా అగౌరవ పరుస్తారా? అంటూ అసహనం వ్యక్తం చేసినట్లు సమాచారం.
ఈ గొడవ జరుగుతున్నప్పుడు పబ్ లో మరికొందరు సెలబ్రిటీలు, ప్రముఖులు ఉండడంతో విషయం పెద్దది కాకుండా పబ్ యాజమాన్యం జాగ్రత్త పడిందని తెలుస్తోంది. ఈ గొడవ జరిగిన తరువాత సిద్ శ్రీరామ్ తన సోషల్ మీడియాలో ”క్రమశిక్షణ ఉంటే ఎవరికీ భయపడాల్సిన అవసరం లేదు.. అన్నింటికంటే క్రమశిక్షణ చాలా ముఖ్యం” అంటూ ట్వీట్ చేశాడు. పబ్ లో జరిగిన గొడవని ఉద్దేశించే ఆయన ఈ పోస్ట్ పెట్టాడంటూ కామెంట్స్ చేస్తున్నారు.
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
