టాలీవుడ్ సూపర్ స్టార్ ప్రభాస్ వరుస సినిమాలను లైన్ లో పెడుతోన్న సంగతి తెలిసిందే. ప్రస్తుతం ‘రాధేశ్యామ్’ సినిమాను పూర్తి చేస్తోన్న ప్రభాస్ త్వరలోనే ‘ఆదిపురుష్’ అలానే ప్రశాంత్ నీల్ డైరెక్ట్ చేయనున్న ‘సలార్’ సినిమా షూటింగ్ లో పాల్గొనున్నాడు. ముందుగా ‘సలార్’ సినిమాను పూర్తి చేసి వచ్చే ఏడాది సంక్రాంతికి విడుదల చేయాలనేది ప్రభాస్ ప్లాన్. దానికి తగ్గట్లుగానే ప్రణాళికలు రచిస్తున్నారు. ఈ సినిమాలో శృతిహాసన్ ని ఓ హీరోయిన్ గా ఫైనల్ చేసినట్లు వార్తలు వస్తున్నాయి.
ఇదిలా ఉండగా.. పాన్ ఇండియా చిత్రంగా రూపొందిస్తోన్న ఈ సినిమాలో యాక్షన్ సన్నివేశాలు ఓ రేంజ్ లో ఉండేలా ప్లాన్ చేస్తున్నాడట దర్శకుడు ప్రశాంత్ నీల్. ‘కేజీఎఫ్’ సినిమాతో సినిమా ఇండస్ట్రీను తనవైపు తిప్పుకున్న ప్రశాంత్ నీల్ ‘సలార్’తో తన క్రేజ్ ని మరింత పెంచుకోవాలని చూస్తున్నాడు. ఈ క్రమంలో ‘సలార్’ సినిమాలో భారీ యాక్షన్ సీన్లు, హీరో ఎలివేషన్లు, డైలాగుల విషయంలో ఎక్కువగా దృష్టి పెడుతున్నాడట. ఏకంగా సినిమాలో ఆరు యాక్షన్ సీన్స్ ఉంటాయట.
ఆరూ కూడా క్లైమాక్స్ ఫైట్స్ ని తలదన్నే విధంగా ఉంటాయని చెబుతున్నారు. యాక్షన్ సీన్స్ అన్నీ కూడా ‘కేజీఎఫ్’ టీమ్ తోనే డిజైన్ చేయించరాట. యాక్షన్ సీన్స్ తోనే సినిమాను మొదలుపెట్టాలని భావిస్తున్నాడు. సినిమా షూటింగ్ గోదావరి ఖనిలో ఓ ఏరియాను చూశారట. అక్కడే ఓ ఫైట్ ను తెరకెక్కించబోతున్నారని సమాచారం.
Most Recommended Video
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
సౌత్ లో సక్సెస్ అయిన టాక్ షోలు.. ఏ తారలు హోస్ట్ చేసినవంటే..!
వరల్డ్ రికార్డ్ కొట్టి.. టాలీవుడ్ స్థాయిని పెంచిన సెలబ్రిటీల లిస్ట్..!
