తెలుగు ప్రేక్షకులకి స్నేహని ప్రత్యేకంగా పరిచయం చేయాల్సిన అవసరం లేదు. గతంలో తెలుగులో ఎంతో మంది పెద్ద హీరోల సరసన నటించింది స్నేహ. చాలా హిట్లని తన ఖాతాలో వేసుకుంది.మరో సౌందర్య అవుతుంది అనుకున్న స్నేహ కెరీర్ కొత్త హీరోయిన్ల ఎంట్రీల వల్ల స్లో అయిపోయింది.అదే టైములో తమిళంలో పలు సినిమాలు చేసినా ఈమెకు కలిసి రాలేదు. ఫేడౌట్ దశకు దగ్గరపడుతున్న సమయంలో తన స్నేహితుడు మరియు నటుడు అయిన ప్రసన్నని వివాహం చేసుకొని సినిమాలు తగ్గించింది స్నేహ.
అలా అని సినిమాలకి దూరమైపోలేదు.తల్లి, అక్క, వదిన వంటి పాత్రలు చేస్తూనే మరో పక్క తన భర్తతో కలిసి పలు యాడ్లలో కూడా నటిస్తూ తన సెకండ్ ఇన్నింగ్స్ ను కొనసాగిస్తోంది. ఈ విషయాలను పక్కన పెట్టేస్తే తాజాగా ఈమె పోలీస్ మెట్లెక్కడం హాట్ టాపిక్ అయ్యింది. విషయంలోకి వెళ్తే… “కొంతకాలంగా స్నేహ ఓ ఎక్స్‌పోర్ట్ కంపెనీలో డబ్బులు ఇన్వెస్ట్ చేస్తూ వస్తోందట.ఇప్పటి వరకు ఆ కంపెనీలో రూ.26 లక్షల వరకు ఆమె ఇన్వెస్ట్ చేసినట్టు తెలుస్తుంది.
అయితే స్నేహ చెల్లించిన డబ్బుకి ఇంతవరకు ఆ కంపెనీ వాళ్ళు ఎటువంటి రిటర్న్స్ చెల్లించలేదట. పైగా ‘వడ్డీ చెల్లించమని అడిగినందుకు ఆమెను బెదిరిస్తున్నారని’… చెన్నైలోని కానత్తూర్‌ పోలీసు స్టేషన్‌లో ఆ కంపెనీకి చెందిన ఇద్దరు వ్యాపారవేత్తల పై ఫిర్యాదు చేసింది స్నేహ. ఆమె నమోదు చేసిన ఫిర్యాదు పై దర్యాప్తు చేపట్టి, వెంటనే చర్యలు తీసుకోవాలని పోలీసులని కోరింది.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
