గత 10 ఏళ్లుగా బుల్లితెర ప్రేక్షకులకు వినూత్న పద్ధతిలో ఎంటర్టైన్మెంట్ ను అందిస్తుంది ‘జ్ఞాపిక ఎంటర్టైన్మెంట్’ సంస్థ. దర్శకుడు అనిల్ కడియాలను అలాగే జ్ఞాపిక ఎంటర్టైన్మెంట్ సంస్థను ఈటీవి వారు ఎంకరేజ్ చేయడంతో చాలా బ్లాక్‌బస్టర్‌ టీవీషోలు ప్రేక్షకులను అలరించాయి. ‘అలీతో సరదాగా’ ‘వావ్‌’,‘పాడుతా తీయగా’, ‘స్వరాభిషేకం’ వంటి షోలు అనిల్ డైరెక్ట్ చేసినవే. ఈ షోలన్నింటికి కంటెంట్‌ పార్టును దగ్గరుండి చూసుకుంటూ నిర్మాతగా వ్యవహరించే వ్యక్తే ప్రవీణ కడియాల. నిర్మాత–దర్శకులిద్దరూ భార్య,భర్తలు కావడంతో ప్రతి షో సక్సెస్ అవుతుంది అని చెప్పొచ్చు. పండుగ రోజుల్లో స్పెషల్ షోలు డిజైన్ చేస్తూ ప్రేక్షకులను టీవీలకు కట్టిపడేస్తుంది ఈ జంట. అదే ఉత్సాహంతో ఇప్పుడు ‘మిస్టర్ అండ్ మిసెస్’ అనే కొత్త షోతో ప్రేక్షకులను అలరించడానికి రెడీ అయ్యారు.
‘మిస్టర్ అండ్ మిసెస్’ ఒకరికి ఒకరు అనే ట్యాగ్ లైన్ తో సరికొత్త షోని ప్రారంభించనుంది ఈ సంస్థ. ఈ షో స్పెషాలిటీ ఏంటి అంటే.. స్టార్ డైరెక్టర్ అనిల్ రావిపూడి, సీనియర్ స్టార్ హీరోయిన్ స్నేహ వంటి వారు జడ్జిలుగా పాల్గొంటున్నారు. వీరితో పాటు సీనియర్ హీరో, క్యారెక్టర్ ఆర్టిస్ట్, మరియు ‘బిగ్ బాస్ 1’ విన్నర్ అయిన శివ బాలాజీ కూడా జడ్జిగా పాల్గొంటున్నాడు. మొదటి ఎపిసోడ్ కు సంబంధించిన ప్రోమో కూడా రిలీజ్ అయ్యింది. మగవాళ్ల కోసం వెంకీ హాసన్ ఇచ్చిన అనిల్ రావిపూడి… ‘మిస్టర్ అండ్ మిసెస్’ ముగిసేలోపు ఆడవాళ్లకు కూడా ఫ్రస్ట్రేషన్ తగ్గించుకునేందుకు ఒక ఆసనం చెప్తాను అని చెప్పి ఆసక్తి పెంచాడు.
ఈ సందర్భంగా నిర్మాత ప్రవీణా కడియాల మాట్లాడుతూ–‘‘ ఈటీవిలో అక్టోబర్‌ 11 నుండి ప్రారంభం అవుతుంది మిస్టర్ అండ్ మిసెస్ ఒకరికి ఒకరు. ప్రతి మంగళవారం రాత్రి 9–30నిమిషాలకు ప్రసారం కానున్న ఈ షో ద్వారా ప్రముఖ నటి స్నేహ తొలిసారి జడ్జిగా వ్యవహరిస్తుండటం విశేషం. స్నేహతో పాటు నటుడు శివబాలాజి ఒక జడ్జిగా వ్యవహరిస్తుండగా బ్లాక్‌బస్టర్‌ చిత్రాలకు కేర్‌ ఆఫ్‌ అడ్రస్‌గా నిలిచి ఫన్‌ అండ్ ఫ్రస్ట్రేషన్ స్లోగన్‌ను తెలుగువారికి పరిచయం చేసిన దర్శకుడు అనిల్ రావిపూడి స్పెషల్ జడ్డిగా వ్యవహరించటం ఈ షోకే హైలెట్‌. ఈ షోలో పాల్గొంటున్న పది జంటలకు రకారకాల టాస్క్‌లు ఉంటాయి. ఆ టాస్క్‌ల్లో విజేతగా నిలిచిన వారు ఫైనల్‌కి వెళ్లి గ్రాండ్‌ ఫినాలే టైటిల్‌తో పాటు భారీ ప్రైజ్‌మనీని సొంతం చేసుకుంటారు’’ అంటూ చెప్పుకొచ్చింది.
మిస్టర్ అండ్ మిసెస్ పోటీలో పాల్గొంటున్న పదిజంటలు..
1) రవికిరణ్‌–సుష్మా
2) పవన్‌–అంజలి
3) సందీప్‌–జ్యోతి
4) హ్రితేష్‌–ప్రియా
5) శ్రీవాణి–విక్రమ్‌
6) మధు–ప్రియాంక
7) ప్రీతమ్‌–మానస
8) సిద్దు–విష్ణుప్రియ
9) రాకేశ్‌–సుజాత
10) విశ్వ–శ్రద్ధ
ఈ జంటలందరూ బుల్లితెర ప్రేక్షకులకు సుపరిచితమే.! అలానే ఈ షోని స్టార్ యాంకర్ శ్రీముఖి హోస్ట్ చేస్తుండడం మరో విశేషంగా చెప్పుకోవాలి.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
