కోలీవుడ్ లో ఎలాంటి దర్శకులైనా సరే రజినీకాంత్ తో ఒక సినిమా చేయాలని చాలా ఆతృతగా ఎదురుచూస్తుంటారు. ఆయన డేట్స్ త్వరలోనే ఇవ్వవచ్చనే మాట ఉంటే చాలు మరో సినిమాను కూడా టచ్ చేయరు. ఇక తలైవా పరిస్థితి ఇప్పుడు గతంలో మాదిరిగా లేదనే రూమర్స్ కోలీవుడ్ మీడియాలో వైరల్ అవుతున్నాయి.
అయితే ఒక దర్శకుడు రజినీకాంత్ తో చేయాల్సిన సినిమాను మధ్యలోనే ఆపేసి మరో సినిమాతో బిజీ అవుతున్నట్లు కూడా టాక్ వస్తోంది. ఆ దర్శకుడు మరెవరో కాదు. అజిత్ తో వేదాళం, వివేగం అంటూ వరుస హిట్ సినిమాలను తెరకెక్కించిన శివ. ఈ సారి రజినీకాంత్ అన్నత్తే అనే సినిమాను చేయడానికి సిద్దమైన శివ రజినీకాంత్ లేకపోయినా షూటింగ్ ను స్టార్ట్ చేశాడు. కానీ అనుకోకుండా తలైవా అనారోగ్యానికి గురవ్వడంతో కొన్నాళ్ళు రెస్ట్ తీసుకోక తప్పడం లేదు.
పైగా కోవిడ్ తగ్గేవరకు కూడా రజినీకాంత్ ఎలాంటి షూటింగ్స్ చేయాలని అనుకోవడం లేదు. దీంతో శివ మరో సినిమాను స్టార్ట్ చేసే ఆలోచనలో ఉన్నట్లు తెలుస్తోంది. సూర్యకు ఒక కథను చెప్పి మెప్పించిన శివ త్వరలో షూటింగ్ స్టార్ట్ చేయాలని అనుకుంటున్నాడు. ప్రస్తుతం ఆ సినిమాకు సంబంధించిన పోస్ట్ ప్రొడక్షన్ పనులు కూడా మొదలైనట్లు సమాచారం. మరి రజినీకాంత్ అన్నత్తే ఎప్పుడు తెరపైకి వస్తుందో చూడాలి.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
