మన హీరోయిన్లు ఉన్నారే… ఐటెమ్‌ సాంగ్‌కి ఓకే చెప్పడానికి ఎప్పుడు ఓకే అంటారో, ఎప్పుడు నో అంటారో అస్సలు తెలియడం లేదు. కొత్త హీరో సినిమా పక్కన స్పెషల్ సాంగ్‌లో డ్యాన్స్‌ చేయడానికి ఒక్కోసారి ఈజీగా ఓకే చెప్పేస్తారు. ఒక్కోసారి కాస్త నోటెడ్ యంగ్‌ హీరోతో డ్యాన్స్‌ చేయమంటే నో అనేస్తుంటారు. ఇప్పుడు ఇలాంటి పరిస్థితే శర్వానంద్‌కు ఎదురవుతోంది. ‘మహా సముద్రం’ సినిమాలో ఓ ఐటెమ్‌ సాంగ్‌ ఉంది.. అందులో స్టెప్పులేయడానికి హీరోయిన్‌ కోసం దర్శకుడు అజయ్‌ భూపతి చాలా రోజుల నుంచి హీరోయిన్ల వేటలో ఉన్నాడు.
ఐటెమ్‌ సాంగ్‌ కోసం ఇప్పటివరకు అజయ్‌ ఇప్పటివరకు ముగ్గురు స్టార్ హీరోయిన్లను సంప్రదించాడట. అందులో రకుల్‌ ప్రీత్‌ సింగ్‌, శ్రుతి హాసన్‌, కాజల్‌ అగర్వల్‌ ఉన్నారట. కారణాలు తెలియదు కానీ, ఈ ముగ్గురూ నో చెప్పేశారు. దీంతో మరో హీరోయిన్‌ కోసం వేట మొదలుపెట్టాడట అజయ భూపతి. ఈ స్పెషల్ సాంగ్‌ని కచ్చితంగా స్టార్ హీరోయిన్‌తోనే చేయించాలని అజయ్‌ భూపతి ఫిక్స్‌ అవ్వడం వెనుక ఆంతర్యం మనకు తెలియడం లేదు.
మరోవైపు ఈ సినిమా హీరో విషయంలోనూ అజయ్‌ భూపతి ఇలాంటి పరిస్థితులే ఫేస్‌ చేయడం గమనార్హం. చాలామంది స్టార్ హీరోలకు, హీరోలకు కథ చెప్పాక వాళ్లు వద్దనుకున్నారు. ఆ తర్వాత కొన్ని రోజులకు శర్వానంద్‌ దగ్గరకు కథ వచ్చింది. ఆయన ఓకే అనడంతో సినిమా మొదలైంది. రెండో హీరో గురించి కూడా ఇదే జరిగింది. ఆఖరికి సిద్ధార్థ్‌ వచ్చి చేరాడు. దీంతో ఇప్పుడు ఐటెమ్‌ సాంగ్‌ హీరోయిన్‌ కూడా ఇలా తిరిగి తిరిగి ఎక్కడ ఆగుతుందో అని అందరూ ఎదురు చూస్తున్నారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
